15–17 جاس ارالىعىنداعى «جاس فوتوگراف» اتالىمىندا يتاليالىق اندرەيا دومينيتسي ۇزدىك دەپ تانىلدى. ول تۇسىرگەن كادردا ءۇزىنمۇيىز قوڭىز ءوز اۋماعىنا كىرگەن بوگدە نىساندى ساقتىقپەن باقىلاپ تۇر.
فوتوگراف بۇل ءساتتى يتاليانىڭ ورتالىعىنداعى لەپيني تاۋلارىندا سەرۋەندەپ جۇرگەندە بايقاعان. ءدومينيتسيدىڭ ەڭبەگى تابيعي مەكەننىڭ جويىلۋى قانداي نازىك جۇيەنى بۇلدىرەتىنىن اسەرلى جەتكىزەدى. ويتكەنى ءۇزىنمۇيىز قوڭىزدار قۋراعان اعاشتاردى تەسىپ, ساڭىراۋقۇلاقتاردىڭ ىشكە ەنۋىنە جاعداي جاساپ, تابيعي ىدىراۋ ۇدەرىسىن باستايدى. ەگەر ولاردىڭ مەكەنى جوعالسا, بۇكىل ەكوجۇيەنىڭ تىنىسى تارىلادى.