«جىلدىڭ ۇزدىك تۇمسا تابيعات فوتوسۋرەتشىسى» سايىسىنا قاتىسۋشىلار سانى وسى جىلى رەكوردتىق كورسەتكىشكە جەتتى. ناقتىراق ايتساق, بايقاۋعا بيىل 60 636 جۇمىس كەلىپ تۇسكەن.
وسىنشا سۋرەت اراسىنان قىتايلىق فوتوگراف تسينجۋن ياننىڭ تۋىندىسى ەرەكشە باعالاندى. ول قۇستار مىنەز-قۇلقىنا ارنالعان ساناتتا جەڭىمپاز اتانىپ, اققۇتان تۇمسىعىنىڭ استىنان جەمىن قاقشىپ اكەتكەن بالىقتى ءدال نىساناعا الىپتى. تسينجۋن بۇل كادردى ءوز ءۇيىنىڭ ماڭىنداعى يۋندان كولى جاعاسىندا ءتۇسىرىپتى.