قۇرلىق پەن سۋداعى ەڭ ۇزدىك فوتوسۋرەتتەردى انىقتايتىن «جىلدىڭ ۇزدىك تۇمسا تابيعات فوتوسۋرەتشىسى» بايقاۋىنىڭ بيىلعى جەڭىمپازدارى بەلگىلى بولدى.
سۇتقورەكتىلەردىڭ مىنەز-قۇلقىن بەينەلەۋ ساناتىندا امەريكالىق فوتوگراف دەننيس ستوگسديلل توپ جاردى. ول تانزانياداعى سەرەنگەتي ۇلتتىق پاركىندە جابايى مىسىق تۇقىمداسىنا جاتاتىن قاراقالدىڭ كىشكەنتاي قوقيقازدى ۇستاعان ءساتىن تاسپالاپ ۇلگەرگەن. جالپى, قاراقالدار – جاندىكتەردەن باستاپ بوكەندەرگە دەيىنگى ءارتۇرلى جانۋاردى اۋلايتىن ەپتى جىرتقىش. بىراق ولاردىڭ قوقيقازدى اۋلاۋى وتە سيرەك كەزدەسەدى, سوندىقتان بۇل كادر قازىلار القاسىنىڭ جوعارى باعاسىنا يە بولدى.