سولتۇستىك قازاقستاننىڭ پوليتسيا ارداگەرلەرى رەسپۋبليكا كۇنى قارساڭىندا جاس قىزمەتكەرلەرمەن كەزدەستى دەپ حابارلايدى Egemen.kz.
قىزمەتتىك مىندەت پەن وفيتسەرلىك ار-نامىسقا ادالدىق, ومىرلىك قيىن سىندار مەن ساباقتار تۋرالى ارداگەرلەر جاس ارىپتەستەرىنە ءتالىمدى اڭگىمەلەر ايتتى. «ۇرپاقتار ساباقتاستىعى» تاقىرىبىنداعى وسى شارا رەسپۋبليكا كۇنى جانە قازاقستان رەسپۋبليكاسىنىڭ مەملەكەتتىك ەگەمەندىگى تۋرالى دەكلاراتسيانىڭ 35 جىلدىعى قارساڭىندا وبلىستىق پوليتسيا دەپارتامەنتىنىڭ مۇراجايىندا ءوتتى.
تاجىريبەلى تەرگەۋشىلەر اتىمتاي امانجولوۆ پەن كۇلبارام باكەنوۆا, جەدەل ۋاكىل فاريت بەگيشەۆ جاس پوليتسەيلەرگە زاماناۋي تەحنيكا مەن بايلانىس قۇرالدارى بولماعان كەزەڭدەردە دە تاباندىلىق پەن زاڭعا ادالدىقتىڭ ارقاسىندا اۋىر جانە كۇردەلى قىلمىستاردى اشقان ساتتەرىن ەسكە الدى. «پوليتسيا قىزمەتى اۋىر, بىراق قىزىقتى جاعى دا كوپ جۇمىس» – دەدى ءوزىنىڭ سوزىندە پد تالىمگەرلەر كەڭەسىنىڭ توراعاسى, پوليتسيا پولكوۆنيگى قاپەز داۋلەتباەۆ.
پەتروپاۆل