اگروتەحنيكالىق تالاپتارعا سايكەس مەرزىمدە ءوتىپ جاتقان ەگىن جيناۋ ناۋقانىنىڭ اياقتالۋىنا از ۋاقىت قالدى, دەپ جازادى Egemen.kz.
بولجامدى جيناۋ الاڭى 16 ملن گەكتاردى قۇرايتىن ءداندى جانە ءداندى-بۇرشاقتى داقىلداردىڭ 15,7 ملن گەكتارى نەمەسە جالپى ەگىس القاپتارىنىڭ 97,9%-ى جينالعان. ناتيجەسىندە 26,3 ملن توننا استىق باستىرىلعان.
ودان بولەك, 3 ملن توننا مايلى داقىل, گەكتارىنا 225,3 تسەنتنەر ونىمدىلىكپەن 2,9 ملن توننا كارتوپ جانە گەكتارىنا 305,1 تسەنتنەر ونىمدىلىكپەن 3,9 ملن توننا كوكونىس جينالعان.
اتاپ ايتقاندا, 331,7 تس/گا ونىمدىلىكپەن 492,4 مىڭ توننا قىرىققابات, 430 تس/گا ونىمدىلىكپەن 1047,7 مىڭ توننا پياز, سونداي-اق 296,4 تس/گا ونىمدىلىكپەن 380,7 مىڭ توننا ءسابىز جينالدى.