بىلەسىز بە, كوالانىڭ ساۋساق ىزدەرى ادامدىكىنە قاتتى ۇقسايدى. ءتىپتى عالىمدار ەلەكتروندى ميكروسكوپتىڭ كومەگىمەن زەرتتەگەندە دە بۇل سۇيكىمدى جانۋاردىكىنەن ادام ساۋساق تاڭباسىنان اجىراتا الماي ءبىراز ابىرجىپ قالعان.
جالپى, بۇل جانۋار وتە ەرەكشە جاراتىلعان. كوالانىڭ بالاسى العاشقى التى ايىن اناسىنىڭ قالتاسىندا وتكىزەدى. ونىڭ «جەرلەسى» كەنگۋرۋ دە سولاي جاسايتىنى بەلگىلى. ايتپاقشى, بۇلار شولگە شىدامدى. ولار ەۆكاليپت اعاشىنىڭ جاپىراعىن جەۋ ارقىلى ءشولىن باسادى. تاعى ءبىر ەرەكشەلىگى, كوالا ادامداردان قورىقپايدى. ءتىپتى قاجەت كەزدە ولاردان كومەك سۇرايدى. مىسالى, 2009 جىلى اۋستراليا ورماندارىندا ۋشىققان ءورت كەزىندە كوالالار ادامداردان سۋ سۇراپ كەلگەن.