نوبەل سىيلىعىنىڭ پاروديالانعان نۇسقاسى شنوبەل سىيلىعى تۋرالى بىلەسىز بە؟ بۇل ماراپاتتى يەلەنۋدىڭ شارتى بىرەۋ-اق. ياعني ادام ويىنا كىرمەيتىن تاڭعاجايىپ ءارى كۇلكىلى جاڭالىق ويلاپ تابۋىڭىز كەرەك.
قالجىڭعا نەگىزدەلگەن بۇل سىيلىقتى عىلىمي-يۋمورلىق «AIR» جۋرنالى 1991 جىلدان بەرى تابىستاپ كەلدى. جەڭىمپاز اتانعان لاۋرەاتتار ادامدى الدىمەن كۇلدىرىپ, سوسىن ويلانتۋى ءتيىس. جۋرنال رەداكتورى مارك ابراحامستىڭ ايتۋىنشا, سىيلىق تاعايىنداۋدىڭ تۇپكى ءمانى – عىلىمدى ءتىپتى دە قىلجاقتاۋ ەمەس. الەم ءۇشىن, عىلىم ءۇشىن ماڭىزدى, پايدالى جاڭالىقتار اركەز سالماقتى مازمۇندا بولۋى شارت ەمەس ەكەنىن جەتكىزۋ بولىپتى. ازىرگە «شنوبەل» مەن «نوبەلدى» قاتار العان الەمدە ءبىر عانا ادام بار, ول گوللانديالىق – اندرەي گەيم. عالىم 2000 جىلى «شنوبەل» سىيلىعىن السا, 10 جىلدان كەيىن فيزيكا سالاسىندا «نوبەل» سىيلىعىن يەمدەنىپتى.