مەملەكەت باسشىسى قاسىم-جومارت توقاەۆ قازاقستان بوكس فەدەراتسياسىنىڭ پرەزيدەنتى شاحمۇرات ءمۇتالىپتى قابىلدادى.
قاسىم-جومارت توقاەۆقا سپورت ينفراقۇرىلىمىن جەتىلدىرۋ, حالىقارالىق جانە رەسپۋبليكالىق جارىستار ۇيىمداستىرۋ, وتاندىق بوكسشىلاردى جاتتىقتىرۋ, بالالار مەن جاسوسپىرىمدەر, سونداي-اق ايماق سپورتىنا جاعداي جاساۋ اياسىندا قولعا الىنعان ءىس-شارالار جونىندە باياندالدى.
مەملەكەت باسشىسى قازاقستان بوكس فەدەراتسياسىنىڭ ليۆەرپۋلدە وتكەن الەم چەمپيوناتىنداعى تابىستى قىزمەتىنە وڭ باعا بەردى.
پرەزيدەنت مەملەكەتتىڭ بوكستى دامىتۋعا باسا ءمان بەرەتىنىن, بۇل باعىتتاعى جۇمىس كەشەندى تۇردە جۇرگىزىلۋگە ءتيىس ەكەنىن جەتكىزدى.
كەزدەسۋدە 2028 جىلى لوس-اندجەلەستە وتەتىن وليمپيادا ويىندارىنا قازاقستاندىق بىلعارى قولعاپ شەبەرلەرىن جوسپارلى ءارى جان-جاقتى دايارلاۋدىڭ ماڭىزى اتاپ ءوتىلدى.