مەملەكەتتىك كەڭەسشى ەرلان قارين يسلام الەمىنىڭ ءبىلىم, عىلىم جانە مادەنيەت ۇيىمىنىڭ (يسەسكو) باس ديرەكتورى ساليم بين مۇحاممەد ءال-ماليكپەن كەزدەسۋ وتكىزدى.
اڭگىمەلەسۋ بارىسىندا قازاقستاننىڭ يسەسكو-مەن ءبىلىم, عىلىم جانە مادەنيەت سالالارىنداعى ىنتىماقتاستىعىنىڭ نەگىزگى باعىتتارى تالقىلاندى.
ەرلان قارين ءداستۇرلى «توعىزقۇمالاق» ويىنىنىڭ يسلام الەمى مۇرالارىنىڭ تىزىمىنە ەنگىزىلگەنى ءۇشىن ريزاشىلىق ءبىلدىردى. سونداي-اق قازاقستاننىڭ «ويۋ-ورنەك», «قارماقشى جىراۋ» سەكىلدى ۇلتتىق اتالىمدارىن ودان ءارى ىلگەرىلەتۋدىڭ ماڭىزىن اتاپ ءوتتى.
ساليم ءال-ماليك قازاقستاننىڭ باستامالارىن جوعارى باعالاپ, ەلىمىز يسەسكو-نىڭ سەنىمدى سەرىكتەسى ەكەنىن, سونىمەن قاتار ءوزارا ءىس-قيمىلدى نىعايتۋعا ىقپال ەتەتىن جاڭا يدەيالارعا اشىقتىعىن جەتكىزدى.
كەزدەسۋ قورىتىندىسىندا تاراپتار ءوزارا تۇسىنىستىكتى نىعايتۋعا باعىتتالعان ىنتىماقتاستىقتى دامىتۋعا بەيىل ەكەنىن راستادى.