ادامزاتتى بىرىكتىرەتىن سۇحباتتاستىق

قازىر جەر جاھاندا قاتىگەزدىك پەن وشپەندىلىككە جاقىن, كيكىلجىڭ تۋدىراتىن توپتار از ەمەس, وكىنىشتىسى, ولاردىڭ قاتارى كۇننەن-كۇنگە ارتىپ بارادى.

ال دىندەر اراسىنداعى ديالوگ ورتالىقتارى وتە از. سوندىقتان وسىنداي باسقوسۋلاردى قولداۋىمىز كەرەك. مۇنداعى ماقسات – الەمدەگى دىندەردىڭ ورتاق قۇندىلىقتارىن انىقتاپ, سونى الەم حالقىنا جەتكىزۋ. ءتىپتى ساياساتكەرلەرگە قىسىم جاساپ, جاعدايدى وزگەرتۋگە ماجبۇرلەۋىمىز قاجەت.

ءبىز بىرلىككە, بەي­بىت­شىلىككە باستايتىن وسى قۇندىلىقتاردى عالامدىق دەڭگەيدە دارىپتەۋىمىز كەرەك. الەم جۇرتشىلىعى جاھاندا بولىپ جاتقان قايعى-قاسىرەتكە بەيجاي قاراماۋعا ءتيىس. قازىر گازا سەكىلدى قاقتىعىستىڭ قىزعان نۇكتەسىندەگى ءوڭىر حالقى اشتىق پەن سوعىستان زارداپ شەگىپ جاتقانى جانعا باتادى. ميلليونداعان بالا ءبىلىمسىز قالدى. سول بالالارعا قامقورلىق جاساۋ – بارشامىزعا ورتاق مىندەت. بۇل تەك ساياساتكەرلەردىڭ ەمەس, ءبىزدىڭ دە جاۋاپكەرشىلىگىمىز.

ءدال قازىر دىندەر اراسىنداعى بايلانىس ديالوگكە زار بولىپ تۇر. جوعارىدا ايتقانىمداي, دىندەردىڭ اراسىندا ورتاق دۇنيەلەر وتە كوپ. سوندىقتان دىندەر ءبىزدى ءبولىپ-جارماعانى ابزال. كەرىسىنشە, دىندەر ءبىزدى بىرىكتىرىپ, بىرگە جۇمىس ىستەۋگە شاقىرۋعا ءتيىس. مەنىڭشە, ءبىز بۇل شەكارانى جويۋىمىز كەرەك جانە ءوزارا سەنىمدى قالىپتاستىرۋىمىز قاجەت.

قىسقاسى, بەيبىتشىلىككە, تاتۋ-ءتاتتى ومىرگە تەك ءدىني كوشباسشىلار ەمەس, ءبارىمىز جاۋاپتىمىز. سوندىقتان مۇنداي كەزدەسۋلەردى بارىنشا قولداپ, دىندەردىڭ ورتاق تۇستارىن انىقتاپ, ونى بۇكىل الەمگە جەتكىزۋ اسا ماڭىزدى.

يبراحيم سالەن ءال-نايمي,

دوحاداعى حالىقارالىق دىندەر ديالوگى ورتالىعىنىڭ توراعاسى, پروفەسسور