ءبىزدىڭ سەزگە كەلگەندەگى باستى ماقساتىمىز, ءرولىمىز – ادامدار ءۇشىن قاۋىپسىز ورتا قالىپتاستىرۋعا قادام جاساۋ.
قاقتىعىسسىز, سوعىسسىز, بەيبىت ورتادا ءبىر-بىرىنەن سەنىمى, ءىس-ارەكەتى, ءومىر ءسۇرۋ سالتى, ءتىپتى ءتۇر-الپەتى وزگەشە جاندار كەزدەسىپ, ءوزارا جاقسى قارىم-قاتىناس ورناتا الادى. ولار ءبىر-بىرىنە قىزىعۋشىلىقپەن قاراپ, قاتار وتىرىپ, ەمەن-جارقىن ديدارلاسىپ, جاقىن تانىسىپ, دوستىق پەن تۇسىنىستىك قۇرۋعا مۇمكىندىك تابادى. نەگىزىندە مۇنداي جاعدايدا ادامدار ءبىر-بىرىنەن كوپ يگى نارسە ۇيرەنە الادى.
وسى ساتتە مەن ءوزىمنىڭ دۇنيەتانىمىم وزگەلەردەن الشاق ەمەس ەكەنىن تەرەڭ تۇسىنەمىن. ارينە, دۇنيەتانىمدار اراسىندا قايشىلىقتار بار. بىراق ءبىز ءبىر-ءبىرىمىزدى تىڭدامايىنشا, توزىمدىلىك تانىتىپ, اشىقتىق پەن قىزىعۋشىلىقپەن قارامايىنشا, جوعارى دەڭگەيدەگى ماسەلەلەردى شەشۋ مۇمكىن ەمەس. ولاردى ەڭ الدىمەن قوعامنىڭ تومەنگى, ياعني قاراپايىم ادامدار اراسىنداعى دەڭگەيىندە رەتتەۋ قاجەت.
سوندىقتان مۇنداي كەزدەسۋلەر ءوزارا تۇسىنىستىككە, توزىمدىلىك پەن تولەرانتتىلىققا, ءبىر-ءبىرىمىزدى تىڭداۋعا ۇيرەتەتىن باعا جەتپەس تاجىريبە بەرەدى. سوندىقتان قازاقستاننىڭ باستاماسىمەن قولعا الىنىپ كەلە جاتقان بۇل سەزد شىنايى بەيبىتشىلىك پەن تۇراقتىلىقتىڭ باستاۋى بولىپ قالا بەرمەك.
دجو بەيلي ۋەللس,
انگليكان قاۋىمداستىعى باس حاتشىسىنىڭ ورىنباسارى