HR ماماندارىنىڭ مۇمكىندىگىن ارتتىرادى

ءىس-شارانىڭ ماقساتى – كادرلىق ۇدەرىستەردى تسيفر­لان­د­ىرۋدىڭ زاماناۋي قۇ­رالدارى تۋرالى HR-قوعام­داستىقتى اقپارات­تان­دىرۋ, سونداي-اق مەملەكەتتىك قىز­مەتتە ادام كاپيتالىن دامى­تۋدا يننوۆاتسيالىق شەشىم­دەردى ەنگىزۋ بويىنشا تا­جىريبە الماسۋ. كەزدەسۋ بارىسىندا كادر جۇمىسىن اۆتو­مات­تاندىرۋعا جانە تسيفرلىق ترانسفورماتسيالاۋعا ارنالعان زاماناۋي اقپاراتتىق جۇيەلەر, مەملەكەتتىك قىزمەتتىڭ گيبريدتى مودەلىن قالىپتاستىرۋعا باعىت­تالعان ىسكە اسىرىلىپ جاتقان HR-جوبالار ۇسىنىلدى. Open Day-عا قاتىسۋعا HR-قىز­مەت­تەرىنىڭ وكىلدەرى, سونداي-اق تسيفرلىق HR-تاجىريبەلەردى دامىتۋعا تارتىلعان ساراپشىلار شاقىرىلدى.

مەملەكەتتىك قىزمەت ىستەرى اگەنتتىگىنىڭ توراعاسى دارحان جازىقباي قاتىسۋشىلارعا ارناعان سوزىندە تسيفرلىق ترانسفورماتسيانىڭ ماڭىزىن, مەم­لەكەتتىك جانە جەكە سەك­تورداعى HR-قىزمەتتەرى ارا­سىنداعى ارىپتەستىكتى نىعاي­تۋدىڭ وزەكتىلىگىن اتاپ ءوتتى. بۇل مىندەت مەملەكەت باسشىسىنىڭ جولداۋىندا جاريالانعان نەگىزگى باستامالارمەن تىعىز ۇندەسەدى. اتاپ ايتقاندا, قازاق­­ستاندى تولىققاندى تسيفر­لىق مەملەكەتكە اينال­دىرۋ, جاساندى ينتەللەكت سالاسىنداعى قۇزىرەتتەردى دامىتۋ, سونداي-اق مەملەكەتتىك ينستيتۋتتاردىڭ اشىقتىعى, تيىمدىلىگى مەن باسەكەگە قابى­لەت­تىلىگىن ارتتىرۋ ءۇشىن پلات­فورمالىق ەكونوميكا مەن ۇلكەن دەرەكتەردى كەڭىنەن قول­دانۋدى قامتاماسىز ەتۋ كوز­دەلىپ وتىر.

كەزدەسۋ بارىسىندا قاتىسۋ­شىلار اگەنتتىكتىڭ جۇمىسىمەن جانە وزەكتى مىندەت­تەرىمەن تانىستى. ورتالىقتا مەملەكەتتىك قىزمەتكە تسيفرلىق ىرىكتەۋ, سونداي-اق «e-Qyzmet» جۇيەسى جانە بىرىڭعاي كادر جۇيەسى ارقىلى HR-ۇدەرىستەردى اۆتوماتتاندىرۋ ماسەلەلەرى ەگجەي-تەگجەيلى ۇسىنىلدى.

سونداي-اق مەملەكەت باسشىسى باستاماشىلىق ەتكەن ءىرى HR-جوبالاردىڭ ءبىرى پرەزيدەنتتىك جاستار كادرلىق رەزەرۆى تانىستىرىلدى. بۇل تالانتتاردى باسقارۋدا جانە كاسىبي مەملەكەتتىك قىز­مەت­شىلەردىڭ جاڭا بۋىنىن قا­لىپتاستىرۋدا ماڭىزدى قۇ­رال­عا اينالدى.

اگەنتتىك توراعاسىنىڭ ورىنباسارى الىبەك احمەديار مەملە­كەتتىك قىزمەتتى دامىتۋدىڭ 2024–2029 جىلدارعا ارنالعان تۇجىرىمداماسىن ىسكە اسىرۋعا باعىت­تالعان «مەملەكەتتىك قىز­مەت تۋرالى» زاڭنىڭ جاڭا رەداك­تسياسىنىڭ جوباسىن ۇسىن­دى.