كەشە قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ ءىىى استانا ەكونوميكالىق فورۋمىنا قاتىسۋشىلارمەن بىرقاتار كەزدەسۋلەر وتكىزدى, دەپ حابارلادى قر پرەمەر-ءمينيسترىنىڭ ءباسپاسوز قىزمەتى.
سىرتقى ساۋدا ىستەرى جونىندەگى مەملەكەتتىك حاتشى انن-ماري يدراك باستاعان فرانتسۋز رەسپۋبليكاسى دەلەگاتسياسىمەن كەزدەسۋ بارىسىندا الەمدىك ەكونوميكاداعى اعىمداعى جاعداي جونىندە پىكىر الماسۋلار ءوتىپ, سونداي-اق قازاقستان-فرانتسيا يندۋستريالىق ىنتىماقتاستىق ماسەلەلەرى تالقىلاندى.
پرەمەر-مينيستر ك.ءماسىموۆتىڭ بۇۇ ونەركاسىپتىك دامۋ ۇيىمىنىڭ باس ديرەكتورى كاندە يۋكمەللامەن كەزدەسۋىندە قۋات ءتيىمدىلىگى مەن قۋات ۇنەمدەۋ سالالارىنداعى ءوزارا ءىس-قيمىلدىڭ پەرسپەكتيۆالارى ءسوز بولدى.
پرەمەر-مينيستر ك.ءماسىموۆ پەن ەكونوميكالىق ىنتىماقتاستىق ۇيىمىنىڭ باس حاتشىسى موحاممەد ياحيا ءمارۋفيدىڭ كەزدەسۋىندە وڭىرلىك ەكونوميكالىق ءوزارا ءىس-قيمىل ماسەلەلەرى تالقىلاندى.