بۇگىننەن باستاپ قازاقستان رەسپۋبليكاسى قىلمىستىق كودەكسىنە دروپپەرلىك ءۇشىن جاۋاپكەرشىلىكتى قاراستىراتىن جاڭا 232-1-بابى ەنگىزىلدى, دەپ جازادى Egemen.kz.
دروپپەرلىك ارەكەت رەتىندە بانك شوتىنا, تولەم نەمەسە سايكەستەندىرۋ قۇرالدارىنا زاڭسىز قول جەتكىزۋ, ونى بەرۋ نەمەسە الۋ, سونداي-اق زاڭسىز تولەمدەر مەن اقشا اۋدارىمدارىن جۇزەگە اسىرۋ, ونىڭ ىشىندە ماتەريالدىق سىياقى ءۇشىن ءۇشىنشى تۇلعالارعا بانك كارتاسىن بەرۋ سانالادى.
بۇل ارەكەت ينتەرنەت-الاياقتىقتىڭ نەگىزگى ادىستەرىنىڭ ءبىرى جانە ۇرلانعان قاراجاتتى قولما-قول اقشاعا اينالدىرۋ مەن شىعارۋ ءۇشىن قولدانىلادى.
ءىس-ارەكەتتىڭ اۋىرلىعىنا, سيپاتىنا جانە الىنعان پايدا مولشەرىنە قاراي 232-1-باپ ايىپپۇلدان باستاپ, م ۇلىكتى تاركىلەي وتىرىپ 7 جىلعا دەيىن باس بوستاندىعىنان ايىرۋ جازاسىن قاراستىرادى. اتالعان نورما كيبەرالاياقتىققا قارسى جۇيەلى كۇرەستى, ازاماتتاردىڭ قارجىلىق قاۋىپسىزدىگىن نىعايتۋدى جانە تسيفرلىق ورتادا ارەكەت ەتەتىن قىلمىستىق توپتاردىڭ قىزمەتىن توقتاتۋدى كوزدەيدى.