شىمكەنتتە ەكى قاباتتى مەشىتتىڭ شاتىرى ورتەنىپ, وقيعا ورنىنا توتەنشە جاعداي قىزمەتى جەدەل جەتتى. ابىروي بولعاندا, زارداپ شەككەندەر جوق, دەپ حابارلايدى Egemen.kz.
تجم مالىمەتىنشە, وقيعا تۇران شاعىناۋدانىنداعى ك. ادىلبەكوۆ كوشەسىندە ورنالاسقان مەشىتتە بولعان.
112 پۋلتىنە تۇسكەن قوڭىراۋدان كەيىن قۇتقارۋشىلار دەرەۋ جەتىپ, شاتىرداعى اعاش كونسترۋكتسيالاردى بۇزىپ, ءورتتى ءسوندىردى.
رەسمي اقپاراتقا سايكەس, مەشىتتەن ادامدار دەر كەزىندە ەۆاكۋاتسيالانىپ, ەشكىم زارداپ شەككەن جوق.
مينيسترلىك تۇرعىنداردى تاعى ءبىر رەت ءورت قاۋىپسىزدىگى ەرەجەلەرىن قاتاڭ ساقتاۋعا شاقىردى.
ءورتتىڭ ناقتى سەبەبى انىقتالىپ جاتىر.