تورعاي – مەملەكەتتىڭ ايرىقشا نازارىندا

سولاردىڭ قاتارىندا ورتالىق جانە باتىس وڭىرلەر اراسىن 560 شاقىرىمعا قىسقارتىپ, تورعاي ءوڭىرىنىڭ دامۋىنا تىڭ سەرپىن بەرەتىن «استانا – ارقالىق – تورعاي – ىرعىز» باعىتىمەن اۆتوكولىك جوباسىن سالۋ بار. وسىعان وراي بيىل مامىر ايىندا پرەمەر-مينيستر ارقالىققا جاساعان جۇمىس ساپارىندا «ورتالىق – باتىس» كۇرە جولىنىڭ قۇرىلىسىن ءبىر اي مەرزىمدە باستاۋ جونىندە ناقتى تاپسىرما بەرىپ, ماۋسىم ايىندا ارقالىق پەن تورعايدا ءاۆتودالىز قۇرىلىسى باستالدى.

الايدا وسى ءۇش ايدىڭ ىشىندە اتالعان جوباعا قاتىستى بىرقاتار تۇسىنىكسىز جاعداي ورىن الىپ, الاڭداۋشىلىق تۋدىردى. ياعني اۆتوجول قۇرىلىسى ءىس جۇزىندە توقتاپ قالدى, مەملەكەتتىك ورگاندار پرەزيدەنتتىڭ ناقتى تاپسىرماسىن بۇرمالاپ, بالامالى باعىتتاردى قاراستىرا باستاعان. ماسەلەن, ۇلىتاۋ وبلىسىنىڭ اۋماعىندا پرەزيدەنتتىڭ اتاپ وتكەن باعىتىنان وزگە باعىتتى زەردەلەۋ ماقساتىندا قوعامدىق تىڭداۋ وتكىزۋى حالىقتىڭ نارازىلىعىن تۋدىردى. پرەزيدەنت جولداۋىنداعى تورعايعا ايرىقشا نازار اۋدارۋ كەرەك دەگەنى وسى ماسەلە توڭىرەگىندەگى بارلىق سۇراققا نۇكتەسىن قويدى دەپ ويلايمىن. ورتالىق – باتىس ءدالىزى «استانا – ارقالىق – تورعاي – ىرعىز» باعىتى بويىنشا سالىناتىنىنا سەنىمدىمىن. ونى وتكەن اپتادا ماجىلىستە وتكەن القالى جيىننان كەيىن كولىك ءمينيسترى نۇرلان ساۋرانباەۆ راستادى. تورعايدىڭ دامۋى تۇتاس ەلدىڭ ىلگەرىلەۋىنە ىقپال ەتەتىنە سەنىمدىمىز.

سونداي-اق مەملەكەت باسشىسى استانادا ۆاگون قۇراستىراتىن زاۋىت ىسكە قوسىلعانىن, اۆياتسيا ينفراقۇرىلىمىن جاڭعىرتۋعا دا ەرەكشە توقتالدى. بۇگىندە الماتى, شىمكەنت, قىزىلوردا قالا­لارىندا جاڭا تەرمينالدار اشىلدى. الداعى ۋاقىتتا زايسان, قاتونقاراعاي, كەندىرلىدە اۋەجاي قۇرىلىسى اياقتالىپ, ارقالىق اۋەجايى قايتا جاڭعىرتىلادى.

پرەزيدەنتتىڭ ايتۋىنشا, بۇل باس­تامالار وڭىرلەردىڭ ەكونوميكالىق بەلسەندىلىگىن ارتتىرىپ, جاڭا جۇمىس ورىندارىن اشادى. سونداي-اق وزگە دە سالالاردىڭ دامۋىنا سەرپىن بەرىپ, ەل ەكونوميكاسىنىڭ وركەندەۋىنە ۇلەس قوسادى.

بەرىك بيسەنعاليەۆ,

ءماجىلىس دەپۋتاتى