قازاقستاننىڭ ەكى وبلىسىندا وتباسىلاردىڭ ءال-اۋقات دەڭگەيىن بالدىق ۇلگى ارقىلى باعالاۋ نەگىزىندە مەملەكەتتىك قىزمەتتەردى كورسەتۋگە ارنالعان پيلوتتىق جوبا ىسكە قوسىلادى. جوبا ەڭبەك جانە حالىقتى الەۋمەتتىك قورعاۋ مينيسترلىگىنىڭ بىرىڭعاي تسيفرلىق پلاتفورماسى ارقىلى جۇزەگە اسىرىلادى, دەپ حابارلايدى Egemen.kz.
ەڭبەك جانە حالىقتى الەۋمەتتىڭ قورعاۋ مينيسترلىگىنىڭ حابارلاۋىنشا, جاڭا ءادىس رەسپۋبليكالىق بيۋدجەتتەن الەۋمەتتىك تولەمدەردىڭ بارلىق ءتۇرىن ساقتاي وتىرىپ, جەرگىلىكتى بيلىك تاراپىنان قوسىمشا قولداۋدى تەك شىنىمەن مۇقتاج جاندارعا باعىتتاۋعا مۇمكىندىك بەرەدى.
2020 جىلعى 22 مامىردا پيلوتتىق جوبانى شىمكەنت قالاسى مەن قاراعاندى وبلىسىندا ىسكە اسىرۋ تۋرالى التى مەملەكەتتىك ورگاننىڭ بىرلەسكەن بۇيرىعىنا قول قويىلعان.
«وتباسىنىڭ ءال-اۋقات دەڭگەيى 23 الەۋمەتتىك-دەموگرافيالىق جانە ەكونوميكالىق كريتەريلەر بويىنشا انىقتالاتىن بولادى. قوسىمشا قولداۋ شارالارىنا ءوتىنىش بىلدىرگەن بارلىق وتباسىلار 6 ساناتقا جىكتەلەدى – اسا قاجەتتىلىكتەن (ازىق-ت ۇلىككە قاراجاتتىڭ بولماۋى) جوعارى ءال-اۋقاتقا دەيىن (قارجىلىق قيىندىقتار جوق). شەشىم وتباسىنىڭ تسيفرلىق كارتاسى ارقىلى جينالعان وبەكتيۆتى دەرەكتەر نەگىزىندە اۆتوماتتى تۇردە قابىلدانادى», دەلىنگەن حابارلامادا.
اتالعان كومەك بارلىعىنا بىردەي ەمەس, قاجەتتىلىگىنە قاراي كورسەتىلەدى.
«ازاماتتاردىڭ ءال-اۋقات دەڭگەيىن باعالاۋ كەزىندە كەلەسى كورسەتكىشتەر ەسكەرىلەدى: تابىس كولەمى, جىلجىمايتىن م ۇلىك پەن كولىك قۇرالدارىنىڭ بولۋى, نەسيە جۇكتەمەسى, سونداي-اق ماتەريالدىق ەمەس فاكتورلار — دەنساۋلىق جاعدايى, مۇگەدەكتىك, ءبىلىم دەڭگەيى جانە وتباسىنىڭ اسىراۋىنداعى ادامدار سانى. سونىمەن قاتار, جاسىرىن تابىس كوزدەرى, مىسالى, بەيرەسمي جۇمىسپەن قامتىلۋ فاكتىلەرى دە نازارعا الىنادى.
ەگەر ءۇي شارۋاشىلىعىندا 2 نەمەسە ودان دا كوپ تۇرعىن ءۇي, 2 جانە ودان دا كوپ كولىك, تىركەلگەن كاسىپكەرلىك سۋبەكتىسى (جك نەمەسە جشس) بار بولسا جانە ءبىر ادامعا شاققانداعى تابىس ەڭ تومەنگى كۇنكورىس دەڭگەيىنىڭ 4 ەسەلەنگەن مولشەرىنەن اسسا, وندا مۇنداي وتباسى 6-ساناتقا – جوعارى ءال-اۋقاتتى دەپ تانىلىپ, جەرگىلىكتى بيۋدجەتتەن قوسىمشا الەۋمەتتىك قولداۋدان الىنىپ تاستالادى.
ال 1-دەن 5-ساناتقا دەيىنگى وتباسىلار ءۇشىن الەۋمەتتىك كومەك شارالارى اۆتوماتتى تۇردە تاعايىندالادى.
ايتا كەتۋ كەرەك, بۇل سكورينگتىك مودەل رەسپۋبليكالىق بيۋدجەتتەن بولىنەتىن 41 ءتۇرلى كەپىلدەندىرىلگەن الەۋمەتتىك تولەمگە اسەر ەتپەيدى. ياعني بازالىق جانە ىنتىماقتى زەينەتاقى, جۇكتىلىك پەن بالا كۇتىمى بويىنشا, كوپبالالى انالارعا جانە مۇگەدەكتىگى بار ازاماتتارعا بەرىلەتىن جاردەماقىلار بۇرىنعىداي ساقتالادى», دەلىنگەن حابارلامادا.
ايتا كەتەيىك, بالدىق ۇلگىنىڭ ەنگىزىلۋى رەسپۋبليكالىق بيۋدجەتتەن تولەنەتىن بارلىق كەپىلدەندىرىلگەن الەۋمەتتىك تولەمدەرگە اسەر ەتپەيدى. زەينەتاقى, جاردەماقى جانە مىندەتتى الەۋمەتتىك ساقتاندىرۋ تولەمدەرى بۇرىنعى كولەمىندە ساقتالادى.
بۇل ءتاسىل ناقتى مۇقتاج ازاماتتارعا ماقساتتى قولداۋ كورسەتۋدى قامتاماسىز ەتۋگە باعىتتالعان.