وسىدان ون جىل بۇرىن ءوز الدىنا وتاۋ تىككەن س.مۇقانوۆ اتىنداعى قازاق سازدى-دراما تەاترى بۇل كۇندە ىرگەلى ونەر ورداسىنا اينالعان. جىل وتكەن سايىن تەاتر ءارتىستەرىنىڭ قاتارى تالانتتى ونەر وكىلدەرىمەن تولىعىپ كەلەدى. بىلتىر اسىلحان رازيەۆ, گۇلناز بازارباەۆا سەكىلدى جوعارى ءبىلىمدى جاستار ەڭبەك جولدارىن ماعجان ەلىنەن باستاۋدى ءجون كورسە, بيىل استاناداعى ونەر ۋنيۆەرسيتەتىن ءتامامداعان التى تۇلەك كەلىپ ورنالاستى.
جۋىردا بۇلاردىڭ ءبارى باسپانالى بولدى. وبلىس اكىمى سەرىك ءبىلالوۆ ولارعا جايلى پاتەرلەردىڭ كىلتتەرىن تاپسىرىپ, ونەر جولىنداعى قادامدارىنا اق جول تىلەدى. تەاتردا كوپ جىلدان بەرى ەڭبەك ەتىپ كەلە جاتقان بىرقاتار ارتىستەر ۇيلەرىن كەڭەيتۋگە قول جەتكىزدى.
ءومىر ەسقالي.
سولتۇستىك قازاقستان وبلىسى.