پرەزيدەنت: تسيفرلىق تەڭگەنىڭ قولدانۋ اياسىن كەڭەيتۋ قاجەت

«قازىرگى تاڭدا جوبالاردى ۇلتتىق قور ەسەبىنەن قارجىلاندىرۋ كەزىندە تسيفرلىق تەڭگەنى قولدانىپ ءجۇرمىز. ەندى ونىڭ قولدانۋ اياسىن ودان ءارى كەڭەيتۋ قاجەت. تسيفرلىق تەڭگەنى رەسپۋبليكالىق جانە جەرگىلىكتى بيۋدجەتتە مەملەكەتتىك حولدينگتەردىڭ بيۋدجەتىندە پايدالانۋعا بولادى», دەدى پرەزيدەنت. 

سونىمەن قاتار قاسىم-جومارت توقاەۆ قازىرگى زامان تالابىنا ساي كريپتواكتيۆتەرگە ەرەكشە كوڭىل ءبولۋ كەرەگىن اتاپ ءوتتى. ونىڭ سوزىنشە, جاپپاي تسيفرلاندىرۋ, سونىڭ ىشىندە - بانك سالاسىن تسيفرلاندىرۋ كوپتەگەن پايدا اكەلەدى, بىراق بەلگىلى ءبىر قاۋىپ-قاتەرلەردى دە تۋدىرادى.

«جاپپاي تسيفرلاندىرۋدىڭ سونىڭ ىشىندە بانك سالاسىن تسيفرلاندىرۋ ءىسىنىڭ پايداسى كوپ ەكەنى ءسوزسىز. بىراق ونىڭ قاۋىپ-قاتەرى دە از ەمەس. سوڭعى جىلدارى ونلاين الاياقتىق مەملەكەتتىڭ جانە ازاماتتاردىڭ قارجىلىق قاۋىپسىزدىگىنە ۇلكەن نۇقسان كەلتىرىپ جاتىر. سوندىقتان كەيبىر قىلمىسپەن كۇرەسى ءۇشىن انتيفروت ورتالىعى قۇرىلدى. بيومەتريالىق انىقتاۋ جۇيەسى ەنگىزىلدى. بانكتەردىڭ ميكروقارجى ۇيىمدارى  جانە بايلانىس وپەراتورلارىنىڭ جاۋاپكەرشىلىگى كۇشەيدى. دەگەنمەن, بۇل ماسەلەلەرگە ۇنەمى ءجىتى نازار اۋدارۋ كەرەك», دەدى مەملەكەت باسشىسى. 

سونداي-اق پرەزيدەنت قۇزىرلى ورگانداردىڭ جۇمىسىن ۇدايى جەتىلدىرىپ, كەيبىر قىلمىستاردىڭ الدىن-الۋعا مۇمكىندىك بەرەتىن بارىنشا ينتەللەكتۋالدى جۇيە قۇرۋ كەرەك ەكەنىن, قاجەت بولسا ءتيىستى زاڭعا جانە قۇقىق قورعاۋ ورگاندارىنىڭ قىزمەتىنە وزگەرىستەر ەنگىزگەن ءجون ەكەنىن اتاپ ءوتتى.