قىرعىزستاندا ۇلتتىق ەپوسقا نەگىزدەلگەن جاڭا انيماتسيالىق فيلم تۇسىرىلەدى. جوباعا 5 ميلليون دوللار ءبولۋ جوسپارلانعان, دەپ جازادى Egemen.kz.
قىرعىز دەپۋتاتى دينارا ءاشىموۆا «ەر-توشتۇك» ەپوسىنىڭ تاربيەلىك ءمانىن اتاپ ءوتىپ, مۋلتفيلم ءتۇسىرۋ ءۇشىن قاراجات بولۋگە شاقىردى.
ء«بىزدىڭ بالالار شەتەلدىك باتىرلاردى جاقسى بىلەدى, بىراق ءوزىمىزدىڭ كەيىپكەرلەردى تانىمايدى. كينو سانانى قالىپتاستىراتىن قۋاتتى قۇرال. ەر-توشتۇك, كوجوجاش, جانىل مىرزا سىندى ۇلتتىق باتىرلاردى تانىستىرۋ ءۇشىن مۋلتفيلمدەر ءتۇسىرۋ قاجەت», دەدى ول.
دەپۋتاتتىڭ ايتۋىنشا, كينەماتوگرافيا دەپارتامەنتىنىڭ ساراپتامالىق كەڭەسى 2023-2024 جىلدارى جوبانى ماقۇلداعان. ستسەناري دايىن, قارجى مينيسترلىگى قاراجات بيۋدجەتتە قاراستىرىلعانىن راستاعان, الايدا مەملەكەتتىك تاپسىرىس ءالى راسىمدەلمەگەن.
رەجيسسەرلەر پارلامەنتتەن جوبانى ىسكە اسىرۋ ءۇشىن سوڭعى قادامدى جاساپ, ءفيلمدى جارىققا شىعارۋعا قولداۋ كورسەتۋدى سۇراپ وتىر.
ايتا كەتەيىك, «ەر-توشتۇك» ەپوسى قىرعىز, قازاق, وزبەك جانە تاتار حالىقتارىنىڭ ەرتەگىلەرىندە كەزدەسەدى.