باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ دەرەكتەرىنە سۇيەنسەك, بيىلعى جىلدىڭ 8 ايىندا ءبىر عانا اباي اۋدانىندا جول اپاتىنان بەس بالا قازا تاۋىپ, تاعى 222 بالا جاراقات العان, دەپ حابارلايدى Egemen.kz.
ەڭ كوپ بالا – 34-ءى تۇركىستان وبلىسىندا كوز جۇمدى, 280-ءى جاراقات الدى. ستاتيستيكا بويىنشا ەكىنشى ورىندا الماتى وبلىسى – 22 بالا قايتىس بولدى, 858 بالا جاراقات الدى. ءۇشىنشى ورىندا جامبىل وبلىسى – 18 بالا قايتىس بولدى, 513 بالا جاراقات الدى.
باسقا وڭىرلەر كونتەكستىندە جولداعى بالالار ءولىمىنىڭ ستاتيستيكاسى كەلەسىدەي:
جەتىسۋ وبلىسى – 12 بالا قايتىس بولدى, 294 بالا جاراقات الدى;قاراعاندى وبلىسى – 11 بالا قايتىس بولدى, 101 بالا جاراقات الدى;اقتوبە وبلىسى – 10 بالا قايتىس بولدى, 454 بالا جاراقات الدى;اتىراۋ وبلىسى – 10 بالا قايتىس بولدى, 524 بالا جاراقات الدى;شىمكەنت – 10 بالا قازا تاۋىپ, 357 بالا جاراقات الدى;ماڭعىستاۋ وبلىسى – 9 بالا قازا تاپتى, 508 بالا جاراقات الدى;باتىس قازاقستان وبلىسى – 8 بالا قازا تاپتى, 320 بالا جاراقات الدى;قىزىلوردا وبلىسى – 7 بالا قازا تاپتى, 282 بالا جاراقات الدى;شىعىس قازاقستان وبلىسى – 7 بالا قازا تاپتى, 250 بالا جاراقات الدى;قوستاناي وبلىسى – 6 بالا قازا تاپتى, 236 ادام جاراقات الدى;اقمولا وبلىسى – 5 بالا قازا تاپتى, 256 بالا جاراقات الدى;پاۆلودار وبلىسى – 3 بالا قازا تاپتى, 217 بالا جاراقات الدى; ۇلىتاۋ وبلىسى – 3 بالا قازا تاپتى, 92 بالا جاراقات الدى;استانا – 3 بالا قازا تاپتى, 436 بالا جاراقات الدى;الماتى – 2 بالا قازا تاپتى, 1202 بالا جارالاندى;سولتۇستىك قازاقستان وبلىسى – 2 بالا قازا تاۋىپ, 97 بالا جاراقات الدى.
بيىل جىل باسىنان بەرى قازاقستاندا 0 بەن 17 جاس ارالىعىنداعى 190 بالا جول اپاتىنان قازا تاۋىپ, 7508-ءى جاراقات العان. وسى قورقىنىشتى ستاتيستيكاداعى ءاربىر فيگۋرا بىرەۋدىڭ جەكە, ورنى تولماس شىعىنىن بىلدىرەدى.
ايتا كەتەيىك, 19 تامىز كۇنى اباي وبلىسىنا قاراستى بەستەرەك اۋىلىندا Toyota ماركالى كولىكتى تىزگىندەگەن جۇرگىزۋشى ءۇي قاقپاسىنىڭ الدىندا, جولدان 10 مەتر قاشىقتىقتا تۇرعان بالالاردى قاعىپ كەتتى. وقيعا سالدارىنان ەكى بالا وقيعا ورنىندا كوز جۇمسا, تاعى ءبىرى مەديتسينالىق مەكەمەگە بارار جولدا قايتىس بولدى. تاعى ءۇش ءجاسوسپىرىم ءتۇرلى جاراقاتتارىمەن اۋرۋحاناعا جەتكىزىلدى.
اباي وبلىسىنىڭ دەنساۋلىق ساقتاۋ باسقارماسىنىڭ مالىمەتىنشە, زارداپ شەككەن بالالاردىڭ جاعدايى اۋىر. قازاقستان پرەزيدەنتى قاسىم-جومارت توقاەۆ بالالارعا كومەك كورسەتۋ ءۇشىن دارىگەرلەر مىنگەن ۇشاقتى جىبەرۋدى تاپسىردى.
پوليتسيانىڭ دەرەگىنشە, 55 جاستاعى جۇرگىزۋشى ۇستالىپ, ۋاقىتشا ۇستاۋ يزولياتورىنا قامالدى. قازىر بۇل فاكتى بويىنشا قىلمىستىق ءىس قوزعالدى.