بۇگىنگى كۇنى وسكەمەندە توتەنشە جاعدايلار مينيسترلىگى, اتوم ەنەرگياسى جونىندەگى اگەنتتىك, سونداي-اق وزگە دە مەملەكەتتىك ورگاندار مەن شىعىس قازاقستان وبلىسى اكىمدىگى ۇيىمداستىرعان «قالقان-2025» بىرلەسكەن كوماندالىق-شتابتىق وقۋ-جاتتىعۋلارى ءوتىپ جاتىر. ايدىڭ 11-دە باستالعان شارا بۇگىن اياقتالادى.
ءىس-شارا اتوم ەلەكتر ستانساسىنىڭ قۇرىلىسى قارساڭىندا ازاماتتىق قورعاۋ جۇيەسىن جەتىلدىرۋ, ۆەدومستۆوارالىق ءوزارا ءىس-قيمىلدىڭ تيىمدىلىگىن ارتتىرۋ مەن قاۋىپسىزدىكتىڭ حالىقارالىق ستاندارتتارىن ەنگىزۋ جونىندەگى كەشەندى شارالاردىڭ ءبىر بولىگى بولدى. وقۋ-جاتتىعۋلار بارىسىندا مەملەكەتتىك ورگانداردىڭ, ونەركاسىپتىك كاسىپورىنداردىڭ, مەديتسينالىق ۇيىمداردىڭ جانە جەرگىلىكتى اتقارۋشى ورگانداردىڭ ينفراقۇرىلىمنىڭ تۇراقتى جۇمىسىن قامتاماسىز ەتۋگە باعىتتالعان ءىس-قيمىلدارىن ۇيلەستىرۋ ستسەناريلەرى پىسىقتالدى.
«قالقان-2025» وقۋ-جاتتىعۋلارى ەلىمىزدىڭ اتوم ەنەرگەتيكاسى سالاسىندا وزىق تەحنولوگيالار مەن باسقارۋ ادىستەرىن قولدانۋعا دايىن ەكەنىن, سونداي-اق ەلدىڭ تۇراقتى دامۋ قاعيداتتارى مەن اسا ماڭىزدى نىسانداردى قاۋىپسىز پايدالانۋعا بەيىلدىلىگىن كورسەتتى.