ۇلىتاۋ وبلىسى قوعامدىق دامۋ باسقارماسىنىڭ ۇيىمداستىرۋىمەن «مەرەيلى وتباسى – 2025» ۇلتتىق بايقاۋىنىڭ وبلىستىق كەزەڭىنىڭ جەڭىمپازدارى ماراپاتتالدى, دەپ حابارلايدى Egemen.kz.
جىل سايىن ءداستۇرلى تۇردە وتەتىن رەسپۋبليكالىق «مەرەيلى وتباسى» ۇلتتىق بايقاۋىنىڭ وبلىستىق كەزەڭى ءوز مارەسىنە جەتتى. بيىل بايقاۋعا وبلىس بويىنشا 31 وتباسى قاتىسىپ, ولاردىڭ ىشىنەن 5 وتباسى وبلىستىق كەزەڭگە جولداما الدى. «وتباسى – شاعىن مەملەكەت» دەگەندەي, بايقاۋعا قاتىسۋشىلاردىڭ قاتارى كوبەيىپ, قىزىعۋشىلىعى ارتا تۇسكەن.
«مەرەيلى وتباسى» بايقاۋىنىڭ باستى ماقساتى – ۇلگىلى اۋلەتتەردىڭ ونەگەلى تۇرمىسىن پاش ەتۋ, وتباسىلىق قۇندىلىقتى, وتباسى مەن نەكەنىڭ جاعىمدى ۇلگىسىن دارىپتەۋ, مارتەبەسىن ارتتىرۋ, سول ارقىلى قوعامنىڭ ىرگەتاسىن نىعايتۋ.
بايقاۋدا باس جۇلدە – ءبىر ميلليون تەڭگە اقشالاي سىيلىقتى جاڭاارقا اۋدانىنان قاپباسوۆتار اۋلەتى ولجالادى.
«بەلسەندى وتباسى» اتالىمىن جەزقازعان قالاسىنان تاەۆتار وتباسى, «ۇلگىلى وتباسى» اتالىمىن قاراجال قالاسىنان وسپانوۆتار اۋلەتى, «ونەرلى وتباسى» اتالىمىن ۇلىتاۋ اۋدانىنىڭ ەسىمسەيىتوۆتەر وتباسى, «بەرەكەلى شاڭىراق» اتالىمىن ساتباەۆ قالاسىنان بەكەشەۆتەر وتباسى يەلەندى.
بارلىق جەڭىمپازدار ارنايى ديپلوم, اقشالاي سىيلىقپەن ماراپاتتالدى. شارا بارىسىندا ونەرپازدار ءان مەن بيدەن شاشۋ شاشىپ, مەرەكەنىڭ شىرايىن كىرگىزدى.
وبلىستىق بايقاۋدىڭ جەڭىمپازى قاپباسوۆتار اۋلەتى «مەرەيلى وتباسى» ۇلتتىق بايقاۋىنىڭ رەسپۋبليكالىق كەزەڭىندە سىنعا تۇسەدى.
ۇلىتاۋ وبلىسى