قوعامدىق كولىك جۇرگىزۋشىسى رولگە يە بولا الماي, اۆتوبۋس باعانعا سوعىلىپ, سالدارىنان كىشكەنتاي قىز اۋىر جاراقات الىپ, ەكى اياعىنان ايىرىلعان بولاتىن, دەپ جازادى Egemen.kz.
استانا قالالىق پوليتسيا دەپارتامەنتىنىڭ مالىمەتىنشە, اتالعان ءىس بويىنشا اۆتوبۋس جۇرگىزۋشىسىنە راقىمشىلىق جاسالدى, دەپ جازادى inbusiness.kz سايتى.
– جول قوزعالىسى ەرەجەلەرىن بۇزۋ ارقىلى ادامنىڭ دەنساۋلىعىنا اۋىر زيان كەلتىرۋگە سەبەپ بولعان جول-كولىك وقيعاسىنا بايلانىستى قىلمىستىق ءىس ماتەريالدارى مەن ساراپتاما قورىتىندىسى جۇرگىزۋشىنىڭ كىناسىن راستادى. قازاقستان رەسپۋبليكاسىنىڭ "راقىمشىلىق جاساۋ تۋرالى" زاڭىنا سايكەس, كۇدىكتى تاراپىنان قىلمىستىق قۋدالاۋدى توقتاتۋ جونىندە ءوتىنىش كەلىپ ءتۇستى, – دەلىنگەن رەسمي حابارلامادا.
قىلمىستىق ءىس راقىمشىلىق اكتىسىنە سايكەس توقتاتىلعانى مالىمدەلدى.
– قىلمىستىق ءىس توقتاتىلعانىنا قاراماستان, ايىپتى تۇلعا قىلمىستىق جاۋاپكەرشىلىككە تارتىلعان بولىپ ەسەپتەلەدى. سونىمەن قاتار, قىلمىستىق قۇقىق بۇزۋشىلىققا جانە وزگە دە زاڭ بۇزۋشىلىقتارعا ىقپال ەتكەن ءمان-جايلاردى جويۋ جونىندەگى ۇسىنىس استانا قالاسىنىڭ اكىمدىگىنە جولداندى, – دەپ حابارلادى ەلوردالىق پوليتسيا دەپارتامەنتى.