مەملەكەت باسشىسى قاسىم-جومارت توقاەۆتىڭ «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» جولداۋىندا بەلگىلەنگەن ستراتەگيالىق باستامالاردى ىسكە اسىرۋ مەن قر پرەمەر-ءمينيسترى ولجاس بەكتەنوۆتىڭ تاپسىرماسىن ورىنداۋ ماقساتىندا قارجى مينيسترلىگى شەكارا ماڭىنداعى كەدەندىك ينفراقۇرىلىمدى جاڭعىرتۋدىڭ كەشەندى باعدارلاماسىن جۇزەگە اسىرىپ كەلەدى. ءبىرىنشى كەزەڭدە قحر جانە وزبەكستانمەن اراداعى شەكارالىق ايماقتاردا ءتورت زاماناۋي وتكىزۋ پۋنكتى پايدالانۋعا بەرىلدى. وسى ارقىلى جۇكتەردىڭ اعىنى ەداۋىر ارتىپ, سىرتقى ەكونوميكالىق قاتىسۋشىلاردىڭ جاعدايى جاقسارا ءتۇستى, دەپ جازادى Egemen.kz.
قر قم مەملەكەتتىك كىرىستەر كوميتەتى ءباسپاسوز قىزمەتىنىڭ حابارلاۋىنشا, ماڭعىستاۋ وبلىسىنا جاساعان جۇمىس ساپارىندا قارجى مينيسترلىگىنىڭ اپپارات باسشىسى ەرنار ەرجانوۆ مەملەكەتتىك كىرىستەر كوميتەتىنىڭ باسشىلىعىمەن بىرلەسىپ, «تاجەن» جانە «تەمىر بابا» شەكارالىق وتكىزۋ پۋنكتتەرىنە بارىپ قايتتى.
«تەمىر بابا» وتكىزۋ پۋنكتى – قازاقستاننىڭ تۇرىكمەنستان رەسپۋبليكاسىمەن شەكاراسىندا ورنالاسقان جالعىز اۆتوموبيل وتكىزۋ پۋنكتى بولىپ سانالادى. ونىڭ گەوگرافيالىق ورنالاسۋى شەتەلدىك تاسىمالداۋشىلارعا تۇرىكمەنستان ارقىلى تۇركياعا, پاكىستانعا, اۋعانستانعا, ءباا-گە جانە باسقا دا ەلدەرگە شىعۋعا جول اشىپ وتىر. ياعني, ەۋروپادان اتالعان ەلدەرگە جونەلتىلەتىن بارلىق تاۋار مەن ازىق-ت ۇلىك «تەمىر بابا» (ىرگەلەس پۋنكت – «گارابوگاز») ارقىلى وتەدى. بۇدان باسقا ەلىمىزدىڭ اۋماعىنا تۇركيادان حالىق كوپ تۇتىناتىن ءتۇرلى تاۋار مەن مۇناي-گاز ونەركاسىبىنە ارنالعان جابدىقتار يمپورتتالادى. تۇرىكمەنستان مەن پاكىستاننان ماڭعىستاۋ وڭىرىنە ىشكى نارىققا ارنالعان كوكونىستەر مەن جەمىستەر جەتكىزىلەدى.
«تاجەن» وتكىزۋ پۋنكتى قازاقستان-وزبەكستان شەكاراسىندا, اتاپ ايتقاندا ەلىمىزدىڭ باتىسىندا جاتىر. بۇل جەر ورتالىق ازيانى رەسەيمەن جانە ەۋروپامەن بايلانىستىراتىن وڭىردەگى جالعىز اۆتوموبيل وتكىزۋ پۋنكتى بولىپ ەسەپتەلەدى. «تاجەن» ارقىلى نەگىزىنەن رەسەيگە جانە ءۇشىنشى ەلدەرگە (سونىڭ ىشىندە ەۋروپاعا) ترانزيتتىك جۇكتەر (90%) وتكىزىلىپ كەلەدى, سونداي-اق وسى اۋماق ارقىلى وزبەكستاننان رەسەيگە ەڭبەك ميگرانتتارى قاتىناپ ءجۇر.
اتالعان نىساندا قۇرىلىس جانە تەحنيكالىق جۇمىستار جۇرگىزىلىپ جاتىر: قوزعالىس جولاقتارى كەڭەيتىلىپ, زاماناۋي ينسپەكتسيالىق-تەكسەرۋ كەشەندەرى, اۆتوماتتى سالماق قوندىرعىلارى جانە تسيفرلى باقىلاۋ جۇيەلەر ورناتىلىپ كەلەدى. جاڭعىرتۋ جۇمىستارىنا قاراماستانوتكىزۋ پۋنكتى جۇكتەردىڭ تۇراقتى اعىنىن قامتاماسىز ەتىپ, شتاتتىق رەجىمدە جۇمىس ىستەپ تۇر.
«بۇل جوبالاردىڭ ىسكە اسىرىلۋىن باقىلاۋ ءتيىستى جۇمىستار تولىق اياقتالعانعا دەيىن تۇراقتىتۇردە جۇرگىزىلەتىن بولادى», دەدى قارجى مينيسترلىگىنىڭ اپپارات باسشىسى.
كوشپەلى كەڭەستىڭ قورىتىندىسى بويىنشا قۇرىلىس جۇمىستارىن جەدەلدەتۋگە جانە كەدەن پۋنكتتەرىنىڭ جۇمىس ىستەۋ تيىمدىلىگىن ارتتىرۋعا باعىتتالعان ناقتى تاپسىرمالار بەرىلدى. مەردىگەر ۇيىمدارعا جاڭعىرتۋ جۇمىستارىنقارقىنداتۋ ءۇشىن نىسانداعى قىزمەتكەرلەر مەن تەحنيكا سانىن قىسقا مەرزىمدە ۇلعايتۋ جۇكتەلدى. مەملەكەتتىك كىرىستەر كوميتەتىنە قاجەتتى جۇمىستاردى ۇيىمداستىرۋ كەزىندە انىقتالعان كەمشىلىكتەرگە بايلانىستى «تاجەن» جانە «تەمىر بابا» كەدەن بەكەتتەرىنىڭ باسشىلارىن تارتىپتىك جاۋاپقا تارتۋدى قاراۋ تاپسىرىلدى.