2024 جىلعى قىركۇيەكتەن 2025 جىلعى تامىزعا دەيىنگى ارالىقتا ارپانىڭ سىرتقا جەتكىزىلۋ كولەمى 1,82 ملن توننانى قۇراعان, بۇل وتكەن ماۋسىمنىڭ وسى كەزەڭىمەن سالىستىرعاندا 2 ەسە كوپ (+952,6 مىڭ توننا). وسىلايشا ەلىمىز ارپا ەكسپورتىن ايتارلىقتاي ارتتىرىپ وتىر, دەپ جازادى Egemen.kz.
ناقتى اتاعاندا, يرانعا 1,064 ملن توننا ارپا ەكسپورتتالسا (بۇل وتكەن ماۋسىممەن سالىستىرعاندا 30 ەسەگە ارتىق), قىتايعا – 414,4 مىڭ توننا, وزبەكستانعا –125,2 مىڭ توننا جونەلتىلگەن.
ەكسپورتقا سۇرانىستىڭ ارتۋى ىشكى نارىقتاعى باعانىڭ وسۋىنە وڭ اسەر ەتكەن. ەگەر 2024 جىلعى قىركۇيەكتە ارپانىڭ تونناسى 50-52 مىڭ تەڭگە دەڭگەيىندە بولسا, 2025 جىلعى تامىز ايىنىڭ باسىندا ول 85-87 مىڭ تەڭگە ارالىعىندا تۇراقتاعان.
اۋىل شارۋاشىلىعى مينيسترلىگىنىڭ مالىمەتىنە سۇيەنسەك, ىشكى نارىقتاعى جاعداي تۇراقتى. بۇل رەتتە «ازىق-ت ۇلىك كەلىسىمشارت كورپوراتسياسى» ۇك» اق 500 مىڭ توننا بيداي جانە 200 مىڭ توننا كولەمىندەگى جەمدىك قور (بيداي مەن ارپا) ەسەبىنەن نارىقتاعى تەپە-تەڭدىكتى قامتاماسىز ەتىپ وتىر.
استىق باعاسىنىڭ ءوسۋى اۋىل شارۋاشىلىعى تاۋارىن وندىرۋشىلەردىڭ قىزمەتىنە وڭ اسەرىن تيگىزىپ, شارۋا قوجالىقتارىنىڭ رەنتابەلدىلىگىن ساقتاۋعا, فەرمەرلەردىڭ قوسىمشا قارىزسىز اعىمداعى شىعىندارىن ۋاقىتىلى وتەۋىنە, سونداي-اق شارۋاشىلىقتى ساقتاۋ-دامىتۋ ينفراقۇرىلىمىنا ينۆەستيتسيا سالۋىنا مۇمكىندىك بەرەدى.