قازاقستاننان ازەربايجانعا بالىق پەن بالىق ونىمدەرىن جانە بال مەن ارا شارۋاشىلىعى ونىمدەرىن ەكسپورتتاۋعا ارنالعان ۆەتەريناريالىق سەرتيفيكاتتاردىڭ نىساندارىن كەلىسۋ جانە پارافيرلەۋ جونىندە كەلىسىمگە قول جەتكىزىلدى, دەپ جازادى Egemen.kz.
ۆەتەريناريالىق سەرتيفيكاتتار نىساندارىن كەلىسۋ – ازەربايجاننىڭ الەۋەتتى نارىعىنا شىعۋ, ەكسپورتتىڭ گەوگرافيالىق اۋقىمىن كەڭەيتۋ جانە ءونىمنىڭ حالىقارالىق ۆەتەريناريالىق تالاپتارعا سايكەستىگىن دالەلدەۋ سەكىلدى جاڭا مۇمكىندىكتەرگە جول اشادى.
اۋىل شارۋاشىلىعى مينيسترلىگىنە قاراستى ۆەتەريناريالىق باقىلاۋ جانە قاداعالاۋ كوميتەتىنىڭ شەتەلدىك ەلدەرمەن اتالعان باعىتتاعى جۇيەلى جۇمىستارى جالعاسادى.
مينيسترلىكتىڭ مالىمەتىنشە, اتالعان سەرتيفيكاتتار ەكى ەلدىڭ ۋاكىلەتتى ۆەتەريناريالىق قىزمەتتەرى اراسىنداعى رەسمي كەلىسسوزدەر بارىسىندا ازىرلەنىپ, ماقۇلدانعان. بۇل قادام – ونىمدەردىڭ ۆەتەريناريالىق-سانيتاريالىق قاۋىپسىزدىگىن قامتاماسىز ەتۋگە باعىتتالعان بىرلەسكەن جۇمىستىڭ ناتيجەسى جانە ەكى ەل اراسىنداعى جوعارى دەڭگەيدەگى سەنىم مەن ىنتىماقتاستىقتى ايعاقتايدى.