گرەكيانىڭ باس شاھارى – افينادا ۇيىمداستىرىلعان جاسوسپىرىمدەر اراسىنداعى (U-17) الەم چەمپيوناتىن قازاقستاننىڭ گرەك-ريم كۇرەسى شەبەرلەرى بەس جۇلدەمەن قورىتىندىلادى, دەپ حابارلايدى Egemen.kz.
اتالعان مەدالداردىڭ 1-ەۋى التىن, 2-ەۋى كۇمىس جانە 2-ەۋى قولا. تارقاتىپ ايتساق, 45 كگ سالماق دارەجەسىندە كۇش سىناسقان گرەك-ريم كۇرەسى شەبەرى جاڭاجول قۋانىشبەك باس جۇلدەنى ولجالادى. اسا شيەلەنىستى فينالدىق سايىستا ول قىرعىز نۇركەرىم قۇماربەكوۆتى 8:7 ەسەبىمەن ەڭسەردى. وعان دەيىن جاڭاجول بولگاريا, مولدوۆا جانە يران بالۋاندارىن جولىنان ىعىستىرعان ەدى.
ال نۇرداۋلەت قۇمار ۇلى (48 كگ) مەن ءنۇرالى اسقار (55 كگ) كۇمىس السا, ءشامىل دوسبول (65 كگ) مەن مارلەن مەيىربەك ۇلى (71 كگ) قولا مەدالدى يەلەندى. ناتيجەسىندە بالعىن بالۋاندارىمىز جالپى كوماندالىق ەسەپتە ءۇشىنشى ورىندى يەلەندى. ال ءبىرىنشى جانە ەكىنشى ورىنداردى يران مەن وزبەكستان قۇرامالارى يەلەندى.
باس جۇلدەنى ولجالاعاندار: 55 كگ – قۋانىشبەك جاڭاجول (قازاقستان), 48 كگ – بۋنيود حاسانوۆ (وزبەكستان), 51 كگ – وتابەك تۇرسىنوۆ (وزبەكستان), 55 كگ – ءاليحان ءابدىراسىلوۆ (قىرعىزستان), 60 كگ – ءالي نازاروۆ (ازەربايجان), 65 كگ – يانەس نازاريان (ارمەنيا), 71 كگ – بەحرۋزبەك ۆاليەۆ (وزبەكستان), 80 كگ – ءابۋلازيز حولميرزاەۆ (وزبەكستان), 91 كگ – ءاميرسام موحاممادي (يران) جانە 110 كگ – حاردەەپ حاردەەپ ء(ۇندىستان).