ەندى ەلوردادان «استانا-1 - بۋراباي كۋرورتى» باعىتىندا №6811/6812 قوسىمشا قالا ماڭى ەلەكتر پويىزى قاتىنايدى, دەپ جازادى Egemen.kz.
ەلەكتر پويىزى ءار سارسەنبى جولعا شىعادى. استانادان ساعات 11:00-دە شىعىپ, 13:35-تە بۋراباي ستانتسياسىنا جەتەدى. كەرى باعىتتا پويىز 14:15-تە جولعا شىعىپ, 17:00-دە استاناعا ورالادى.
«جولاۋشىلار تاسىمالى» اق مالىمەتىنشە, پويىز قۇرامىندا 4 ۆاگون بار. جولاۋشىلار ءۇشىن 1, 2 جانە 3-سىنىپتاعى قىزمەت كورسەتۋ تۇرلەرى قولجەتىمدى. ۆاگونداردا كونديتسيونەرلەر, اۋا تازارتۋ جۇيەسى, بيواجەتحانالار, مۇمكىندىگى شەكتەۋلى جولاۋشىلارعا ارنالعان ارنايى ورىندار, ىڭعايلى ورىندىقتار, ۆەلوسيپەد قوياتىن ورىندار بار. سونداي-اق Vputi.kz مەدياپورتالىنا قولجەتىمدى تەگىن Wi-Fi جەلىسى ورناتىلعان.
قالا ماڭى باعىتىنداعى جولاۋشىلار پويىزىنا بيلەتتەردى جونەلتۋگە 10 كۇن قالعاندا ساتىپ الۋعا بولادى.