قارا تەڭىز ارقىلى قازاقستاندىق مۇناي تاسىمالى ۋاقىتشا توقتاتىلدى. Reuters اگەنتتىگىنىڭ حابارلاۋىنشا, كاسپي قۇبىر كونسورتسيۋمى (كقك) ارقىلى نوۆوروسسيسك پورتىنا جەتكىزىلىپ جۇرگەن شيكىزات ەكسپورتىن رەسەي جاعى ۋاقىتشا توقتاتتى, دەپ جازادى Egemen.kz.
بۇل شەشىم رەسەي پرەزيدەنتى ۆلاديمير ءپۋتيننىڭ جاڭا جارلىعىنان كەيىن قابىلداندى. قۇجاتتا ەۋرووداقتىڭ 18-سانكتسيالىق پاكەتىنە جاۋاپ رەتىندە شەتەلدىك تانكەرلەردىڭ رەسەي پورتتارىنا كىرۋى فەدەرالدىق قاۋىپسىزدىك قىزمەتىمەن كەلىسۋگە ءتيىس ەكەنى كورسەتىلگەن.
مۇنداي شەكتەۋ كقك باعىتىنداعى مۇناي قوزعالىسىن ءىس جۇزىندە توقتاتىپ وتىر. ايتا كەتەيىك, بۇل مارشرۋت ەلىمىز ەكسپورتتايتىن مۇنايدىڭ 80 پايىزدان استامى, ياعني الەمدىك نارىقتاعى شامامەن 2 پايىز كولەمىندەگى مۇناي اينالىمىنا جاۋاپ بەرەدى.
رەسەي تاراپىنىڭ بۇل شەشىمى قازاقستاندىق مۇنايدىڭ سىرتقى نارىققا تۇراقتى جەتكىزىلۋىنە قاۋىپ ءتوندىرىپ وتىر.