1912 جىلى ستوكگولمدە وتكەن وليمپيادا ويىندارىندا مارافونعا قاتىسقان سپورتشىلاردىڭ ءبىرى جاپوندىق سيدزو كاناكۋري اپتاپ ىستىققا شىداي الماي, جارىس جولىنىڭ جارتىسىندا ەسىنەن تانىپ قالادى.
سودان جاقىن ماڭداعى فەرمەرلەردىڭ وتباسى وعان كومەك كورسەتىپ, سپورتشى ارەڭ دەگەندە ەسىن جيادى. بۇل مارافوننان مەدال الماسىن بىلگەن كاناكۋري ەشكىمگە ەسكەرتپەستەن جاپونياعا تارتىپ كەتەدى. ول كەزدە جارىستان شىعىپ كەتكەن سپورتشى جايلى اقپارات بىردەن تاراي قويمايتىن. وسىلايشا, شۆەدتەر ونى ءىز-ءتۇزسىز جوعالدى دەپ ساناپ, تىزىمنەن دە سىزىپ تاستاعان. ارادا 50 جىلدان استام ۋاقىت وتكەندە جۋرناليستەر ونىڭ كەيىن دە بىرنەشە وليمپيادا مارافوندارىنا قاتىسقانىن انىقتايدى. وسىدان كەيىن وعان 1912 جىلعى ستوكگولم مارافونىن رەسمي تۇردە اياقتاۋ ۇسىنىلادى. كاناكۋري بۇل ۇسىنىستى قابىل الىپ, مارەگە دەيىن جۇگىرىپ وتەدى. ءسويتىپ, ونىڭ جۇگىرۋ ۋاقىتى – 54 جىل, 8 اي, 6 كۇن, 5 ساعات, 32 مينۋت جانە 20,3 سەكۋند بولىپ تىركەلەدى.