قايعىلى حاباردى جۋرناليست سەرىكقالي مۇقاشەۆ الەۋمەتتىك جەلىدەگى پاراقشاسىندا جەتكىزدى, دەپ جازادى Egemen.kz.
«اسىلدىڭ سىنىعى ەدى… تۇلپاردىڭ تۇياعى ەدى… ارامىزدا اڭقىلداپ جۇرگەن ادال دوسىمىز, ادىلەتسىزدىك اتاۋلىعا قانى قاس جاۋجۇرەك باۋىرىمىز — بەلگىلى جۋرناليست مۇحتار تۇمەنباي دوسىمىزدان قاپىدا ايرىلىپ قالدىق… ۇيىندە وتىرىپ, جۇرەگى كەنەت سىر بەرىپتى. باقۇل بول, باۋىرىم…», دەپ جازدى جۋرناليست س. مۇقاشەۆ.
مۇحتار تۇمەنباي 1970 جىلدىڭ 11 تامىزىندا دۇنيەگە كەلگەن. بەلگىلى جازۋشى, كوسەمسوزشى جاقسىلىق تۇمەنباەۆتىڭ ۇلى. ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەگى.
شىعارماشىلىق جولىن مەرزىمدى باسپاسوزدە باستاعان مۇحتار تۇمەنباي ءتۇرلى رەسپۋبليكالىق گازەتتەر مەن تەلەارنالاردا جۇمىس ىستەدى. ول وتكىر الەۋمەتتىك ماسەلەلەردى كوتەرىپ, قوعامدىق ويدىڭ قوزعاۋشىسى بولا ءبىلدى. جۋرناليستىك قىزمەتىندە ادىلەتتىلىك پەن ادامگەرشىلىك ۇستانىمىن بيىك قويعان تۇلعا رەتىندە تانىلدى.
اكەسىنىڭ قالامگەرلىك جولىن لايىقتى جالعاستىرعان مۇحتار تۇمەنباي تەك كاسىبي جۋرناليست قانا ەمەس, ەل ىشىندەگى مادەني, رۋحاني احۋالعا بەيجاي قارامايتىن ازامات, ويلى پۋبليتسيست, ازاماتتىق كوزقاراسى قالىپتاسقان تۇلعا رەتىندە ەل جادىندا قالدى.