اباي وبلىسى جارما اۋدانى شار قالالىق پوليتسيا ءبولىمىنىڭ باسشىسى داۋرەن ءالجاپاروۆ قىزمەتىنەن بوساتىلدى. بۇل تۋرالى ءوڭىردىڭ پوليتسيا دەپارتامەنتى حابارلادى, دەپ جازادى Egemen.kz,
بۇعان دەيىن الەۋمەتتىك جەلىلەردە تاراعان ۆيدەودا پوليتسيا عيماراتىندا باستىقتىڭ قاراماعىنداعى قىزمەتكەرگە اشا تاياقپەن (روگاتكامەن) تاس اتىپ جاتقانى كورىنگەن. وقيعا قوعامدىق رەزونانس تۋدىرىپ, وبلىستىق پوليتسيا دەپارتامەنتى قىزمەتتىك تەكسەرىس جۇرگىزگەن بولاتىن.
تەكسەرۋ ناتيجەسىندە داۋرەن ءالجاپاروۆتىڭ قىزمەتتىك ەتيكانى بۇزعانى انىقتالىپ, تارتىپتىك كوميسسيانىڭ شەشىمىمەن ول باسشىلىق قىزمەتىنەن الىندى. الايدا, دەپارتامەنتتىڭ مالىمەتىنشە, ءالجاپاروۆ ىشكى ىستەر ورگاندارىنان تولىق شىعارىلعان جوق.
پوليتسيا دەپارتامەنتى قۇقىق قورعاۋ سالاسىنداعى ءتارتىپ پەن ەتيكانى ساقتاۋ ءار قىزمەتكەر ءۇشىن مىندەتتى تالاپ ەكەنىن اتاپ ءوتتى.