ۇلتتىق بانكتىڭ مالىمەتىنە سايكەس, بيىلعى 1 شىلدەدەگى جاعداي بويىنشا ەكونوميكاعا بەرىلگەن جالپى نەسيە كولەمى 44,5 ترلن تەڭگەگە جەتتى. بۇل وتكەن جىلدىڭ سايكەس كەزەڭىمەن سالىستىرعاندا 8,1 ترلن تەڭگەگە نەمەسە 22%-عا ارتىق. ونىڭ ىشىندە 24 ترلن تەڭگەدەن استامى حالىقتىڭ العان نەسيەسى, 20,4 ترلن تەڭگەسى بيزنەسكە بەرىلگەن قارىز, دەپ جازادى Egemen.kz.
بانك سەكتورىنان بەرىلگەن نەسيەلەر ءبىر جىلدا 6,8 ترلن تەڭگەگە ارتىپ, 38 ترلن تەڭگەدەن استى. بۇل جالپى نەسيە كولەمىنىڭ 85%-ىن قۇرايدى. ميكروقارجى ۇيىمدارىنىڭ پورتفەلى 3 ترلن تەڭگەگە جەتىپ, ءبىر جىلدا 500 ملرد تەڭگەگە ءوستى. كۆازيمەملەكەتتىك سەكتور تاراپىنان بەرىلگەن قارىز كولەمى 3,2 ترلن تەڭگەنى قۇرادى (جىلدىق ءوسىم – شامامەن 800 ملرد تەڭگە).
بيزنەسكە بەرىلگەن نەسيە كولەمى ءبىر جىلدا 3,6 ترلن تەڭگەگە ءوسىپ, 20,4 ترلن تەڭگەگە جەتسە, حالىقتىڭ قارىزى 4,5 ترلن تەڭگەگە ارتىپ, 24 ترلن تەڭگەدەن استى. ازاماتتار نەگىزىنەن يپوتەكالىق, اۆتونەسيە جانە تۇتىنۋشىلىق ماقساتتاعى نەسيەلەردى پايدالانادى.