قۇرىلىس قارقىنى ارتىپ كەلەدى

ونىڭ مالىمدەۋىنشە, بيىلعى 6 ايدا قۇرىلىس جۇمىستارىنىڭ جالپى كولەمى 3,3 ترلن تەڭگەنى قۇرادى, بۇل بىلتىرعى سايكەس كەزەڭمەن سالىستىرعاندا 18,4%-عا ارتىق. مۇنداي وڭ ديناميكا ەلىمىزدىڭ 20 ءوڭىرىنىڭ 19-ىندا تىركەلگەن. بۇل قۇرىلىس يندۋسترياسىنىڭ جالپى ەكونوميكالىق وسىمگە بەلسەندى ۇلەس قوسىپ وتىرعانىن كورسەتەدى.

بيىل 19,2 ملن م² تۇرعىن ءۇي سالۋ جوسپارلانسا, ونىڭ 7,9 ملن م²-ءسى العاشقى جارتىجىلدىقتا پايدالانۋعا بەرىلدى. بۇل – وتكەن جىلدىڭ وسى كەزەڭىمەن سالىستىرعاندا 6,6%-عا ارتىق كورسەتكىش.

ەڭ جوعارى ءوسىم تىركەلگەن وڭىرلەر قاتارىنا تۇركىستان, اقمولا, ۇلىتاۋ, جەتىسۋ وبلىستارى مەن شىمكەنت قالاسى ەندى. ساراپشىلار مۇنى تۇرعىندارعا ارنالعان ينفراقۇرىلىمدى دامىتۋدىڭ جانە ينۆەستيتسيالىق احۋالدىڭ جاقسارۋىمەن بايلانىستىرادى.

«قۇرىلىس سالاسىنىڭ تۇراقتى ءوسىمى – ەكونوميكانىڭ سەرپىندى باعىتتارىنىڭ ءبىرى. سالا 2010 جىلدان بەرى جىلىنا ورتا ەسەپپەن 7%-عا ءوسىپ كەلەدى. ال سوڭعى ەكى جىلدا ناقتى كولەم يندەكسى 115%-دان جوعارى دەڭگەيدە قالىپ وتىر», دەدى ەرسايىن ناعاسپاەۆ.