قازاقستاندا مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىن جەتىلدىرۋگە باعىتتالعان جاڭا زاڭ قابىلدانىپ, دەنساۋلىق ساقتاۋ سالاسىنداعى باقىلاۋ مەن قاداعالاۋ تەتىكتەرى ايتارلىقتاي كۇشەيتىلەدى, دەپ حابارلايدى Egemen.kz.
جاڭا زاڭ اياسىندا قر دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق باقىلاۋ كوميتەتىنە (مفبك) مەديتسينالىق قىزمەتتەردىڭ ساپاسىنا قاداعالاۋ جاساۋ جانە جەدەل دەن قويۋ شارالارىن قابىلداۋ وكىلەتتىگى بەرىلدى. بۇل قادام زاڭسىز نەمەسە ساپاسىز كورسەتىلگەن مەديتسينالىق قىزمەتتەرگە جىلدام ارالاسۋعا, ءارى پاتسيەنتتەردىڭ قاۋىپسىزدىگىن قامتاماسىز ەتۋگە مۇمكىندىك بەرەدى.
مفبك ەندى سوتقا جۇگىنبەي-اق, ۇزاق كەلىسىمدەرسىز ورەسكەل زاڭ بۇزۋشىلىقتارعا دەرەۋ ارەكەت ەتە الادى. بۇل وزگەرىس مەديتسينالىق كومەك كورسەتۋ كەزىندەگى قاۋىپسىزدىك شارالارىن كۇشەيتۋگە جانە دەنساۋلىق ساقتاۋ جۇيەسىندە ازاماتتاردىڭ قۇقىقتارىن ءتيىمدى قورعاۋعا باعىتتالعان.
قازىرگى ۋاقىتتا كوميتەت زاڭسىز مەديتسينالىق قىزمەت كورسەتۋ, رۇقساتسىز جۇمىس ىستەۋ, سونداي-اق مەديتسينالىق ستاندارتتار مەن ەرەجەلەردى ورەسكەل بۇزۋ فاكتىلەرىن انىقتاپ, ءتيىستى شارالار قابىلداپ كەلەدى. جاڭا زاڭ نورمالارى بۇل جۇمىستى الدەقايدا ناتيجەلى جۇرگىزۋگە جول اشپاق.