قر دەنساۋلىق ساقتاۋ مينيسترلىگى ەل ازاماتتارى ءۇشىن دارىلىك زاتتاردىڭ قولجەتىمدىلىگىن ارتتىرۋ باعىتىنداعى جۇيەلى جۇمىسىن جالعاستىرىپ كەلەدى. اتالعان جۇمىستىڭ اياسىندا مينيسترلىك «حيمفارم» اق, «Johnson & Johnson Kazakhstan» جشس جانە «استرازەنەكا قازاقستان» جشس سىندى جەتەكشى فارماتسەۆتيكالىق كومپانيالارمەن ىنتىماقتاستىق تۋرالى مەموراندۋمدارعا قول قويدى, دەپ حابارلايدى Egemen.kz.
كەلىسىمدەر شەڭبەرىندە بىرقاتار جوعارى سۇرانىسقا يە جانە الەۋمەتتىك ماڭىزى بار ءدارى-دارمەكتەردىڭ باعاسىن تومەندەتۋ كوزدەلگەن.
«جەتەكشى وتاندىق جانە شەتەلدىك فارماتسەۆتيكالىق كومپانيالارمەن مەموراندۋمدار جاساسۋ ءبىزدىڭ سىندارلى ءوزارا ءىس-قيمىل مەن الەۋمەتتىك جاۋاپكەرشىلىككە جالپى دايىندىعىمىزدى كورسەتەدى. مۇنداي باستامالار فارماتسەۆتيكالىق نارىقتاعى تۇراقتىلىقتى نىعايتۋعا, پاتسيەنتتەردىڭ قازىرگى زامانعى پرەپاراتتارعا قولجەتىمدىلىگىن كەڭەيتۋگە, سونداي-اق ينۆەستيتسيالىق احۋالدى دامىتۋعا جانە ءوندىرىستى وقشاۋلاۋعا ىقپال ەتەتىنىنە سەنىمدىمىز», دەدى دەنساۋلىق ساقتاۋ ءمينيسترى اقمارال ءالنازاروۆا. سونىمەن قاتار كەلىسىم اياسىندا «استرازەنەكا قازاقستان» كومپانياسى بولشەك جانە كوتەرمە ساۋدا نارىعى ءۇشىن بىرقاتار ومىرلىك ماڭىزدى دارىلىك زاتتاردىڭ باعاسىن تومەندەتۋدى جوسپارلاپ وتىر. ء«بىز يننوۆاتسيالىق تەراپياعا مۇقتاج ادامداردىڭ قازىرگى ەكونوميكالىق جاعدايداعى قاجەتتى پرەپاراتتارعا قول جەتكىزۋىن قامتاماسىز ەتۋ ءۇشىن دەنساۋلىق ساقتاۋ مينيسترلىگىمەن تىعىز جۇمىس ىستەۋگە نيەتتىمىز. مەموراندۋمنىڭ ەرەجەلەرى ءبىزدىڭ كومپانيانىڭ قازاقستان اۋماعىندا لوكاليزاتسيالانعان جانە وندىرىلگەن پرەپاراتتارىنا دا قولدانىلادى. ءبىزدىڭ باعالاۋىمىز بويىنشا, باعانىڭ تومەندەۋى بىرنەشە ميلليون پاتسيەنتتى قولداۋعا مۇمكىندىك بەرەدى», دەدى قازاقستانداعى «استرازەنەكا» كومپانياسىنىڭ مەملەكەتتىك ورگاندارمەن جۇمىس جانە سىرتقى كوممۋنيكاتسيالار جونىندەگى ديرەكتورى ارسەن ناسىرحانوۆ. مينيسترلىكتىڭ حابارلاۋىنشا, «Johnson & Johnson Kazakhstan» كومپانياسىمەن جاسالعان مەموراندۋم شەڭبەرىندە ج ۇلىن بۇلشىقەت اتروفياسىن ەمدەۋدە قولدانىلاتىن سپينرازا (نۋسينەرسەن) پرەپاراتىنىڭ باعاسىن قايتا قاراۋ جونىندە كەلىسىمگە قول جەتكىزىلگەن. اتالعان اۋرۋ سيرەك كەزدەسەتىن, الايدا ومىرگە قاۋىپ توندىرەتىن جانە پروگرەسسياسى جوعارى اۋرۋلار قاتارىنا جاتادى. الەۋمەتتىك ماڭىزى بار ءدارى-دارمەكتەرگە باعانىڭ تومەندەۋى ءبىر جاعىنان مەملەكەتتىك بيۋدجەت شىعىندارىن وڭتايلاندىرۋعا مۇمكىندىك بەرسە, ەكىنشى جاعىنان – جوعارى قۇندى تەراپياعا مۇقتاج ناۋقاستارعا تۇراقتى دارىلىك قولجەتىمدىلىكتى قامتاماسىز ەتەدى. «تاعى ءبىر ماڭىزدى كەلىسىم وتاندىق «حيمفارم» اق كومپانياسىمەن جاسالعان. كومپانيا 2 ءتيپتى قانت ديابەتىن ەمدەۋدە قولدانىلاتىن داپاگليفلوزين پرەپاراتىنىڭ ساتىپ الۋ باعاسىن تومەندەتۋگە دايىن ەكەنىن بىلدىرگەن. بۇل – الەمدەگى ەڭ كەڭ تارالعان ينفەكتسيالىق ەمەس اۋرۋلاردىڭ ءبىرى. بۇگىندە قازاقستاندا 520 مىڭنان استام ازامات قانت ديابەتىمەن تىركەلگەن, ونىڭ 492 335-ءى – 2 ءتيپتى ديابەتپەن اۋىرادى. اتالعان دەرت جۇرەك-قان تامىرلارى اۋرۋلارىنىڭ, كورۋ قابىلەتىن جوعالتۋ, بۇيرەك جەتكىلىكسىزدىگى جانە وزگە دە كۇردەلى اسقىنۋلاردىڭ نەگىزگى سەبەبى بولىپ تابىلادى. بۇل الەۋمەتتىك-ەكونوميكالىق تۇرعىدان دا مەملەكەتكە ەداۋىر جۇكتەمە تۇسىرەدى», دەلىنگەن حابارلامادا. مەموراندۋمدارعا كەلەسىدەي ماڭىزدى باعىتتار ەنگىزىلدى: رۇقسات ەتىلگەن ساۋدا ۇستەمەلەرىن ساقتاۋ; ءدارى-دارمەك باعاسىنىڭ ديناميكاسىن باقىلاۋ; ۇزدىك حالىقارالىق تاجىريبەمەن الماسۋ; يننوۆاتسيالىق پرەپاراتتاردى قارجىلاندىرۋ تەتىكتەرىن دامىتۋ; دارىلىك قامتاماسىز ەتۋ سالاسىنداعى زاڭنامانى جەتىلدىرۋ جونىندە ۇسىنىستار ازىرلەۋ.