«قازاقستان تەمىر جولى» ۇلتتىق كومپانياسىنىڭ مالىمەتىنشە, 2024 جىلعى قىركۇيەك پەن 2025 جىلعى ماۋسىم ارالىعىندا ەلىمىزدەن شەتكە جونەلتىلگەن جاڭا استىق ءونىمىنىڭ كولەمى 9 ملن تونناعا جەتكەن. بۇل وتكەن جىلدىڭ سايكەس كەزەڭىمەن سالىستىرعاندا 60 پايىزعا ارتىق, دەپ جازادى Egemen.kz.
ساراپشىلاردىڭ ايتۋىنشا, بۇل كورسەتكىش – قازاقستاندىق استىققا سىرتقى نارىقتاردا سۇرانىستىڭ جوعارى ەكەنىنىڭ ايقىن دالەلى. سونىمەن قاتار, ەكسپورت گەوگرافياسىنىڭ كەڭەيۋى مەن لوگيستيكالىق ينفراقۇرىلىمنىڭ جاڭارتىلۋى دا وڭ ناتيجە بەرگەن.
استىق جونەلتۋدىڭ نەگىزگى باعىتتارى – ءداستۇرلى تۇردە ورتالىق ازيا مەن جاقىن شەتەلدەر. اتاپ ايتقاندا:
وزبەكستانعا – 3,3 ملن توننا ء(وسىم – 32%),
تاجىكستانعا – 1,2 ملن توننا (+45%),
اۋعانستانعا – 309 مىڭ توننا (+46%),
قىرعىزستانعا – 233 مىڭ توننا (+94%),
يرانعا – 974 مىڭ توننا (17,5 ەسە كوپ),
ازىربايجانعا – 707 مىڭ توننا (116 ەسە ارتقان).
يران مەن ازەربايجان باعىتىنداعى ءوسىم حالىقارالىق كولىك دالىزدەرىنىڭ دامۋى مەن ەكىجاقتى ەكونوميكالىق ارىپتەستىكتىڭ نىعايۋىمەن تىعىز بايلانىستى.