ەلوردادا جوعارعى سوت توراعاسى اسلامبەك مەرعاليەۆ پەن پرەزيدەنتتىڭ قۇقىقتىق ماسەلەلەر جونىندەگى كومەكشىسى ەرجان جيەنباەۆتىڭ قاتىسۋىمەن كاسساتسيالىق سوتتىڭ سالتاناتتى اشىلۋ ءراسىمى ءوتتى, دەپ جازادى Egemen.kz.
ءىس-شاراعا سونداي-اق جوعارعى سوتتىڭ سوت القالارىنىڭ توراعالارى نۇرسەرىك ءشارىپوۆ, نازگۇل راحمەتۋللينا جانە اسلان تۇكيەۆ, سونداي-اق سوت اكىمشىلىگىنىڭ باسشىسى نايل احمەتزاكيروۆ قاتىستى
سالتاناتتى راسىمگە قاتىسۋشىلارعا قۇتتىقتاۋ سوزىندە ا.مەرعاليەۆ مەملەكەت باسشىسى سۋديالاردىڭ IX سەزىندە سوت تورەلىگىنە قولجەتىمدىلىكتى كەڭەيتۋگە, ينۆەستيتسيالار مەن بيزنەستى جۇرگىزۋگە قولايلى جاعداي جاساۋعا, سونداي-اق ادىلەتتىلىك جانە زاڭ ۇستەمدىگى قاعيداتتارىن جۇزەگە اسىرۋعا باعىتتالعان سوت رەفورماسىنىڭ ماڭىزدىلىعىن ەرەكشە اتاپ وتكەنىنە توقتالدى.
بۇل رەفورمانىڭ نەگىزگى ەلەمەنتى كاسساتسيالىق سوتتاردى ەنگىزۋ بولدى.
جوعارعى سوت توراعاسىنىڭ ايتۋىنشا, كاسساتسيالىق ساتىنىڭ اشىلۋى سوت جۇيەسى دامۋىنىڭ جاڭا كەزەڭىن بىلدىرەدى جانە مەملەكەتتىڭ سوت تورەلىگىنىڭ جوعارى ستاندارتتارىن قامتاماسىز ەتۋگە ۇمتىلىسىن ايعاقتايدى.
مەملەكەت باسشىسىنىڭ جارلىعىمەن جاڭادان تاعايىندالعان كاسساتسيالىق سوتتار توراعالار: ازاماتتىق ىستەر بويىنشا – اسقار سمايىلوۆ, قىلمىستىق ىستەر بويىنشا – اقان جۇماعۇلوۆ, اكىمشىلىك ىستەر بويىنشا – بەرىك ناجىميدەنوۆ سوت كورپۋسىنا تانىستىرىلدى.
جوعارعى سوت توراعاسى كاسساتسيالىق سوتتار ەلىمىزدەگى «زاڭ مەن ءتارتىپ» ىرگەلى قاعيداتىن بەكىتە وتىرىپ, زاڭ ۇستەمدىگىن قامتاماسىز ەتۋدىڭ ءتيىمدى بۋىنىنا اينالاتىنىنا سەنىم ءبىلدىردى.
رەسمي بولىمنەن كەيىن قاتىسۋشىلار ازاماتتىق جانە قىلمىستىق ىستەر جونىندەگى كاسساتسيالىق سوتتار عيماراتتارىنىڭ تۇساۋكەسەرىمەن تانىستى, سونداي-اق اكىمشىلىك ىستەر جونىندەگى كاسساتسيالىق سوتتىڭ كەڭسەلەرى: فرونت-ءوفيستى, سوت وتىرىسى زالدارىن, سۋديالار, پروكۋرور, مەدياتور, ادۆوكات جانە وقۋ ورتالىعىن قاراپ شىقتى.
ودان كەيىن ا.مەرعاليەۆ پەن ە.جيەنباەۆ كاسساتسيالىق ساتىلاردىڭ سۋديالار قۇرامىمەن جۇمىس كەڭەسىن وتكىزدى, ونىڭ بارىسىندا باسىمدىقتار ايقىندالىپ, ناقتى مىندەتتەر بەلگىلەندى.
سول كۇنى سوت اكىمشىلىگىنىڭ باسشىسى ن.احمەتزاكيروۆ كاسساتسيالىق سوتتار دەپارتامەنتىنىڭ ۇجىمىنا ونىڭ جاڭا باسشىسى – بۇرىن سوت اكىمشىلىگىنىڭ الماتى قالاسى بويىنشا دەپارتامەنت باسشىسى بولعان ەرجان قوجاحمەتوۆتى تانىستىردى.