مويىنقۇم اۋدانىنا قاراسيى قىزىلتال اۋىلدىق وكرۋگىندەگى بۇرىل-بايتال ورمانداردى جانە جانۋارلار دۇنيەسىن قورعاۋ جونىندەگى مەكەمەسىنىڭ باس ەسەپشىسى 136 رەت ءىسساپار جاساپ, 2,3 ميلليون تەڭگەنىڭ ءىسساپار شىعىنىن شىعارعان, دەپ حابارلايلى Egemen.kz.
بۇل تۋرالى جامبىل وبلىستىق ءماسليحاتىنىڭ كەزەكتى جيىرما ءۇشىنشى سەسسياسىندا وبلىستىق ءماسليحاتتىڭ كاسىپكەرلىكتى, ونەركاسىپتى, قۇرىلىستى, كولىكتى جانە كوممۋنالدىق سالانى دامىتۋ ماسەلەلەرى جونىندەگى تۇراقتى كوميسسيانىڭ توراعاسى مۇحانبەتالى شالقاربەكوۆ بايان ەتتى
اتالعان دەرەك «وبلىستا ورمان جانە جانۋارلار دۇنيەسىن كۇزەتۋدi, قورعاۋدى, مولىقتىرۋدى قامتاماسىز ەتۋ بويىنشا اتقارىلىپ جاتقان جۇمىستار تۋرالى» ماسەلەنى زەردەلەۋ كەزەڭىندە انىقتالعان.
ءبىر قىزىعى, 2021 جىلدىڭ ماۋسىم-شىلدە ايلارىندا عانا ول 11 ءىسساپار راسىمدەگەن. وسىلايشا, جول ءجۇرۋ شىعىندارىنىڭ جيىلىگى مەن مولشەرى ولاردىڭ نەگىزدىلىگىنە كۇمان تۋدىرعان.
«ەسەپتەر جالعان دەگەن بولجام بار, ويتكەنى ولاردىڭ ءىسساپار ورىندارىندا ناقتى بولۋىن راستايتىن قۇجاتتار جوق. سونىمەن قاتار, مەكەمە قىزمەتكەرلەرىنىڭ اراسىندا ءىسساپارلاردى جالعان راسىمدەۋ جانە الىنعان قاراجاتتى كەيىننەن ءبولۋ ءۇشىن ءسوز بايلاسۋ قاۋپى بار», – دەدى تۇراقتى كوميسسيا توراعاسى ءوز بايانداماسىندا.
سونىمەن قاتار تالداۋ بارىسىندا جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى جانە ونىڭ قۇرىلىمدىق بولىمشەلەرىنىڭ قىزمەتىنە بايلانىستى بىرقاتار سىبايلاس جەمقورلىق تاۋەكەلدەرى انىقتالعان.
ۇيىمدارعا جوعارى بىلىكتى ماماندار مەن جۇمىسشىلاردى تارتۋ جانە ۇستاۋ ماقساتىندا نەگىزگى لاۋازىمدىق جالاقىلارىنا 50% مولشەرىندە ۇستەمەاقى بەلگىلەۋگە رۇقسات ەتىلگەن. بەكىتىلگەن ەرەجەنىڭ شارتتارىنا سايكەس, ۇيىمنىڭ قىزمەتكەرى تارتىپتىك جازاعا تارتىلعان جاعدايدا, سىيلىقاقى تولەنبەيدى. الايدا, تالداۋ ناتيجەسىندە ۇيىم قىزمەتكەرلەرىنە بەلگىلەنگەن ەرەجەلەردى بۇزا وتىرىپ, جالپى سوماسى 532764,00 تەڭگەنى قۇرايتىن سىيلىقاقىلاردى ەسەپتەۋ فاكتىلەرى انىقتالعان. ماسەلەن, 2021 جىلى «بايزاق ورمان جانە جانۋارلار دۇنيەسىن قورعاۋ» مەكەمەسىنىڭ باسشىلىعى قولدانىستاعى تارتىپتىك جازالارعا قاراماستان, 11 قىزمەتكەرگە جالپى سوماسى 153 895,00 تەڭگە كولەمىندە سىياقىنى ءجونسىز تاعايىنداعان. سول سياقتى, اقكول, اقىرتوبە, بۋرىل-بايتال, سارىسۋ, قورداي, مويىنقۇم جانە جۋالى ورمان جانە جانۋارلار دۇنيەسىن قورعاۋ مەكەمەلەرىنىڭ 32 قىزمەتكەرىنە اقى تولەۋ بويىنشا 72 فاكتى انىقتالعان.