اتىراۋ وبلىسى اكىمىنىڭ ءباسپاسوز قىزمەتىنەن ءمالىم ەتكەندەي, اتىراۋ وبلىسى, «اقجايىق» رەزەرۆاتىنداعى قامىس ءورتى بۇگىن, 24 ماۋسىمدا ساعات 14:00 شاماسىندا تولىق سوندىرىلگەن, دەپ حابارلايدى Egemen.kz.
«اقجايىق» مەملەكەتتىك تابيعي رەزەرۆاتىنداعى ءورت 13 ماۋسىمدا تۇتانعان ەدى. جالىن شامامەن 1510 گەكتار اۋماقتى شارپىعان.
ء«ورت تۇتانعان 13 ماۋسىمنان بەرى «قازاۆياقۇتقارۋ» اق-نىڭ مي-8 ەكى تىكۇشاعىمەن 396 توننا سۋ توگىلدى. تراكتورلارمەن مينەرالدى جولاق جىرتىلدى. جالىننىڭ قايتا تۇتانباۋى تۇراقتى باقىلاۋعا الىندى. وسى ماقساتتا توتەنشە جاعدايلار دەپارتامەنتىنىڭ, پوليتسيا جانە رەزەرۆات قىزمەتكەرلەرىنىڭ كەزەكشىلىگى ءالى دە جالعاسادى. كەزەكشىلىك تاۋلىك بويى اتقارىلادى», دەپ مالىمدەدى ءباسپاسوز قىزمەتىنەن.
قامىس ءورتىن سوندىرۋگە 200-گە جۋىق ادام مەن 40 تەحنيكا تارتىلعان.