ۇلى اقىن فرانتسيادا ۇلىقتالدى

جيىنعا رەنن قا­لاسىن­­دا­عى قا­زاق­ستان­نىڭ قۇر­مەتتى كون­سۋلى جاننار اۆار-تورە­باە­ۆا, فرانتسيانىڭ ەۋروپا جانە سىرتقى ىستەر مينيستر­لىگى, ءبىلىم جانە مادەنيەت مە­كە­­مەلەرىنىڭ وكىلدەرى, قازاق دياسپوراسىنىڭ مۇشەلەرى, سونداي-اق 2020 جىلى «اباي» كىتابىنىڭ جارىق كورۋىنە اتسالىسقان فرانتسۋز ازاماتتارى قاتىستى.

قازاقستاننىڭ فرانتسيا­داعى ەلشىسى گۇلسارا ارىس­تان­قۇلوۆا اباي مۇ­راسى قازاق حالقىنىڭ رۋحاني بايلىعى­نىڭ تۇعىرى ەكەنىن ەرەكشە اتاپ ءوتتى. سونىمەن قاتار ەلشى فرانتسۋز تاراپىنا ابايدى ۇلىقتاۋعا كور­سەتكەن قولداۋى ءۇشىن, اتاپ ايتقاندا, ءپاريج­دىڭ XVI وكرۋگىندەگى اقىندار الا­ڭىن­دا اباي ءبيۋس­تىنىڭ ورناتىلۋىنا ىقپال ەتكەنى ءۇشىن ري­زاشىلىعىن ءبىلدىردى. ول اباي شىعارما­شى­لىعىن­داعى گۋمانيزم مەن فيلوسوفيا­لىق تەرەڭدىك حالىقتار اراسىن­داعى رۋحاني كوپىرگە اينالىپ, قا­زاق­­­ستان مەن فرانتسيانىڭ مادەني بايلانىستارىن نى­عايتا تۇسەتىنىن ايتتى.

فرانتسيانىڭ اكادەميا­لىق پالمالار وردەنىنىڭ يەگەرى, قازاقستان رەسپۋبليكاسىنىڭ بەيبىتشىلىك جانە رۋحاني كەلى­سىم سىيلىعىنىڭ لاۋرەاتى, پروفەسسور البەر فيشلەر ابايدىڭ يدەيالارى قازىرگى زا­مان ءۇشىن اسا وزەكتى ەكەنىن اي­تىپ, ونىڭ پوەزياسى مەن في­لو­سوفياسىنىڭ امبەباپ قۇن­­دىلىقتارمەن ۇندەسەتىنىن اتاپ ءوتتى.

اباي پوەمالارى مەن قارا سوزدەرىن فرانتسۋز تىلىنە اۋدار­عان كريستين زەۋتۋنيان-بەلۋس دوڭگەلەك ۇستەل اياسىندا اۋدارماشىلىق بارىسىنداعى وي-پىكىرلەرىن ءبىلدىرىپ, ۇلى اقىننىڭ بىرنەشە ولەڭىن ناقىشىنا كەلتىرە وقىپ بەردى.

شارا بارىسىندا قاتى­سۋ­شىلار اباي قۇنانباي­ ۇلى­نىڭ شىعارمالارىن قازاق جانە فرانتسۋز تىلدەرىندە وقىپ, ۇلى ويشىلدىڭ ماڭگىلىك مۇرا­سىن دارىپتەدى. كەشكە ار­نايى كەلگەن ءانشى Assem Muze مۋزىكانتتارمەن بىرگە اباي­دىڭ اندەرىن قازاق جانە فران­تسۋز تىلدەرىندە ورىنداپ, كورەر­مەندەرگە ەرەكشە اسەر قالدىردى.

فرانتسيادا اباي قۇنان­­باي ۇلىنىڭ ەكى ءبيۋستى بار. ال­عاشقىسى – 2016 جىلى رەنن قالا­سىندا, ال ەكىنشىسى 2020 جىلى پاريجدە ورناتىلدى. جىل سايىن وسى مۇسىندەر ما­ڭىن­دا قازاقستاندىقتار مەن فران­تسۋزدار جينالىپ, ۇلى ويشىل­دىڭ رۋحىنا تاع­زىم ەتىپ, اباي مۇراسىن ۇلىقتاي­دى.