ادەبيەت الەمىنە سۇبەلى ۇلەس قوسىپ جۇرگەن قالامگەرلەر ەلىمىزدىڭ ءار تۇكپىرىنەن تابىلادى. الايدا ولاردىڭ بىرقاتارى ادەبي ورتادان جىراق. كىتاپتارى كوپ ناسيحاتتالا بەرمەيدى. سوندىقتان وزدەرى دە ءجيى اتالمايدى.
م.اۋەزوۆ اتىنداعى ادەبيەت جانە ونەر ينستيتۋتى مىنە, وسىنداي ولقىلىقتىڭ ورنىن تولتىرۋدى ماقسات ەتىپ, «قازاقستان ادەبيەتتانۋى, فولكلورتانۋى جانە ونەرتانۋى ەكوجۇيەسىنىڭ تسيفرلىق ترانسفورماتسياسى: پانارالىق زەرتتەۋلەر» اتتى جوبا ازىرلەپتى. وسى جوبا بويىنشا وڭىرلەردەگى قالامگەرلەردىڭ شىعارمالارىن ناسيحاتتاۋ, ولاردىڭ ەڭبەكتەرى نەگىزىندە ۇجىمدىق مونوگرافيا جازۋ جانە ۇزدىك تۋىندىلاردى عىلىمي اينالىمعا شىعارۋ كوزدەلگەن.
جۋىردا م.اۋەزوۆ اتىنداعى ادەبيەت جانە ونەر ينستيتۋتىنىڭ قىزمەتكەرلەرى, فيلولوگيا عىلىمدارىنىڭ دوكتورى, پروفەسسور گۇلجاحان وردا مەن دوكتورانت جانسۇلۋ سارسەنباەۆا تۇركىستان وبلىسى مەن شىمكەنت قالاسىندا تۇراتىن قالامگەرلەردىڭ باسىن قوسىپ, «ولكەلىك ادەبيەتتى زەرتتەۋ» اتتى سىر-سۇحبات ۇيىمداستىردى. كەزدەسۋدە جازۋشىلار وداعىنىڭ شىمكەنت قالاسى بويىنشا وكىلى مومبەك ابدىاكىم ۇلى, جازۋشىلار زاحاردين قىستاۋباەۆ, سارمانباي يساحوۆ, اقىندار ءبورىباي ورازىمبەتوۆ, نۇرعيسا تورەمۇراتوۆ, نۇرعالي سەرداليەۆ, تاعى باسقالار سويلەپ, قازىرگى قازاق ادەبيەتى جونىندەگى ويلارىن ورتاعا سالدى. سونىڭ ىشىندە ءوڭىر قالامگەرلەرىنىڭ تاڭداۋلى شىعارمالارىن كىتاپ ەتىپ باستىرۋ ءۇشىن مەملەكەتتىك قولداۋ كورسەتۋ كەرەكتىگى تۋرالى دا ايتىلدى. ءوز كەزەگىندە گۇلجاحان جۇمابەردىقىزى جاقسى تۋىندىلاردى ناسيحاتتاۋ جانە ولار جونىندە مينيسترلىككە, باسپالارعا جانە باسقا دا ءتيىستى ورىندارعا حابارلاپ وتىرۋ مىندەتتەرىنە جاتاتىندىعىن جەتكىزدى.
مۇنان سوڭ گۇلجاحان وردا م.اۋەزوۆ اتىنداعى ادەبيەت جانە ونەر ينستيتۋتىنىڭ قولداۋىمەن شىققان ء«ححى عاسىر ادەبيەتتانۋى: تەرميندەر سوزدىگى», «قازىرگى پوەزياداعى موديفيكاتسيا: ستيل, ىرعاق, فورما», «قازىرگى بالالار ادەبيەتى», «جاڭا قازاق ادەبيەتى» جانە «بالالار ادەبيەتىنىڭ پانارالىق اسپەكتىلەرى» دەگەن زەرتتەۋ ەڭبەكتەرىن تانىستىردى. اتالعان كىتاپتاردى قالامگەرلەرگە سىيعا تارتتى.
سابىربەك ولجاباي