جىل باسىندا اتىراۋ قالاسىندا اتىراۋ وبلىسى تجد جەدەل-قۇتقارۋ جاساعىنىڭ جاڭا زاماناۋي كەشەنىنىڭ قۇرىلىسى اياقتالدى, دەپ جازادى Egemen.kz.
ستانتسيا جايىق وزەنىنىڭ جاعاسىندا ورنالاسقان جانە سوڭعى تەحنيكالىق ستاندارتتار بويىنشا جابدىقتالعان. كەشەنگە اكىمشىلىك عيمارات, قۇتقارۋ تەحنيكاسىنا ارنالعان انگار جانە كەزەكشى اۋىسىمدا تاۋلىك بويى تۇرۋعا ارنالعان جاتاقحانا كىرەدى.
جاڭا بازا قۇتقارۋشىلار جۇمىسىنىڭ تيىمدىلىگىن ەداۋىر ارتتىردى. اشىلعان ساتتەن باستاپ ماماندار جايىق وزەنىندە كۇندەلىكتى رەيدتەر مەن پاترۋلدەۋ جۇرگىزۋدە, سۋ ايدىندارىندا قاۋىپسىزدىك ەرەجەلەرىن ساقتاۋ بويىنشا حالىق اراسىندا پروفيلاكتيكالىق جۇمىستاردى جۇزەگە اسىرادى, سونداي-اق توتەنشە جاعدايلارعا جەدەل دەن قويادى.
جىل باسىنان بەرى اتىراۋ وبلىسى تجد قۇتقارۋشىلارى سۋدا 163 رەيد وتكىزدى. سۇڭگۋىرلىك-ىزدەستىرۋ ءىس-شارالارى اياسىندا 3 ادام, ونىڭ ىشىندە ءبىر بالا قۇتقارىلدى. سونىڭ ىشىندە جاڭا قۇتقارۋ بولىمشەسىنىڭ كۇشىمەن 2 ادام, ونىڭ ىشىندە بالا قۇتقارىلدى.
جاڭا ستانتسيا قۇرۋ سۋداعى قاۋىپسىزدىك دەڭگەيىن ارتتىرۋداعى ماڭىزدى قادام بولدى, كەز كەلگەن توتەنشە جاعدايلارعا جەدەل ارەكەت ەتۋگە مۇمكىندىك بەرەدى. اتىراۋ وبلىسى تجد وقيعالاردىڭ الدىن الۋ جانە ادام ءومىرىن قۇتقارۋ بويىنشا ءوز جۇمىسىن جالعاستىرادى.