جىل باستالعالى 613,7 مىڭ كوپبالالى وتباسىعا 221 ملرد تەڭگە, 242,2 مىڭ ناگرادتالعان اناعا 32,4 ملرد تەڭگە مەملەكەتتىك جاردەماقى بەرىلگەن, دەپ جازادى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە 2025 جىلدىڭ مامىر ايىندا اتالعان جاردەماقىلارمەن بارلىعى 865,3 مىڭ وتباسى جالپى سوماسى 51,5 ملرد تەڭگە مولشەرىندە, ونىڭ ىشىندە: كوپبالالى وتباسىلارعا بەرىلەتىن جاردەماقىمەن 622,3 مىڭ وتباسى 45 ملرد تەڭگەگە; ناگرادتالعان اناعا بەرىلەتىن جاردەماقىمەن 243 مىڭ ادامعا 6,5 ملرد تەڭگە مولشەرىندە قامتىلعان.
مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.
تولەم مولشەرى بالا سانىنا قاراي ەسەپتەلىپ تولەنەدى جانە 2025 جىلى:
- 4 بالاسى بار وتباسىلارعا – 16,03 اەك نەمەسە 63 030 تەڭگە;
- 5 بالاعا – 20,04 اەك نەمەسە 78 798 تەڭگە;
- 6 بالاعا – 24,05 اەك نەمەسە 94 565 تەڭگە;
- 7 بالاعا – 28,06 اەك نەمەسە 110 332 تەڭگە;
- 8 جانە ودان دا كوپ بالاسى بار وتباسىلارعا – ءار بالاعا 4 اەك نەمەسە 15 728 تەڭگە مولشەرىندە تولەندى.
ناگرادتالعان اناعا بەرىلەتىن جاردەماقىنىڭ اي سايىنعى مولشەرى مىناداي:
«كۇمىس القا» القاسىمەن ناگرادتالعان انالارعا – 6,40 اەك نەمەسە 25 165 تەڭگە;
«التىن القا» القاسىمەن ناگرادتالعان نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا – 7,40 اەك نەمەسە 29 097 تەڭگە.
ايتا كەتكەن ءجون, بيىل 1 قاڭتاردان باستاپ بالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 6,5%-عا ارتقان.