وزبەكستان رەسپۋبليكاسىندا حالىقارالىق «نۇراي-فەست» ونەر فەستيۆالى ءوتتى. وسى سايىسقا ۇلىتاۋ وبلىسى اباي اتىنداعى مامانداندىرىلعان مەكتەپ-ينتەرناتى جانىنان قۇرىلعان « ۇلىتاۋ» ءانسامبلى مەن جاس ونەرپازدار قاتىستى, دەپ حابارلايدى Egemen.kz.
فەستيۆالگە شەتەلدەن جانە قازاقستاننىڭ سەگىز وبلىسىنان كەلگەن 1500 ۇمىتكەر قاتىستى.
ءدۇبىرلى ونەر دوداسىندا دومبىرا سايىسىنان « ۇلىتاۋ» دومبىراشىلار ءانسامبلى باس جۇلدەگە يە بولدى. ولار قاراشا ايىندا تۇركيا رەسپۋبليكاسىنىڭ ستامبۋل قالاسىندا وتەتىن بايقاۋعا 20 پايىز جەڭىلدىكپەن قاتىسۋعا جولداما ۇتىپ الدى.
وزبەكستان قازاق ۇلتتىق مادەني ورتالىعىنىڭ توراعاسى سەرىكباي ۇسەنوۆ ەڭ ۇزدىك ونەرپازداردى دايىنداعانى ءۇشىن مەكتەپ ديرەكتورى دينارا كاپاروۆا مەن دومبىرا جەتەكشىسى اقبوتا وماروۆاعا العىس حات تابىس ەتتى.
ۇلىتاۋ وبلىستىق ءماسليحاتىنىڭ دەپۋتاتى بەكزات دايراباي ۇلىنىڭ ۇسىنىسىمەن «Kazakhmys» كورپوراتسياسىنىڭ باسقارما باسشىسى نۇراحمەت قانات ۇلى جاس ونەرپازدارعا دەمەۋشىلىك جاسادى.
ۇلىتاۋ وبلىسى