قازاقستاندىق نىسانا كوزدەۋشى ۆالەري راحىمجان گەرمانيانىڭ ميۋنحەن قالاسىندا ءوتىپ جاتقان نىسانا كوزدەۋدەن الەم كۋبوگى كەزەڭىندە كۇمىس جۇلدەگەر اتاندى, دەپ حابارلايدى Egemen.kz.
ول 10 مەترگە پنەۆماتيكالىق تاپانشامەن اتۋ جارىسىندا ەل نامىسىن ابىرويمەن قورعاپ, فينالدا 241.9 ۇپاي جيناپ, ەكىنشى ورىنعا يە بولدى.
اتالعان باعدارلاما بويىنشا جارىستىڭ جەڭىمپازى – قىتاي سپورتشىسى حۋ كاي, ونىڭ كورسەتكىشى – 242.3 ۇپاي. ءۇشىنشى ورىندى گەرمانيا وكىلى كريستيان رەيتتس ەنشىلەگەن (220.8 ۇپاي).
ايتا كەتەيىك, ۆالەري راحىمجان ىرىكتەۋ كەزەڭىندە التىنشى ورىن الىپ, فينالعا وتكەن بولاتىن.