الماتى قالاسى سايالى شاعىن اۋدانىندا جەڭىل كولىك پەن اۆتوكران سوقتىعىسىپ, ءۇش ادام جاراقات العان, دەپ حابارلايدى Egemen.kz.
«الدىن الا مالىمەت بويىنشا, اپات سالدارىنان ءۇش ادام زارداپ شەكتى. ولاردىڭ ءبىرى كولىك سالونىندا قىسىلىپ قالعان. قۇتقارۋ قىزمەتىنىڭ ماماندارى وقيعا ورنىنا ساعات 22:10-دا جەتىپ, جەدەل ءارى ۇيلەسىمدى ارەكەتىنىڭ ارقاسىندا 22:18-دە بارلىق زارداپ شەككەندەردى كولىكتەن شىعارىپ الدى. بۇل جۇمىستار ارنايى تەحنيكا قولدانباي-اق ورىندالدى», دەپ مالىمدەدى 109 قۇتقارۋ قىزمەتىنىڭ ءباسپاسوز قىزمەتى.
جاراقات العاندار جەدەل جاردەم بريگادالارىنا تاپسىرىلىپ, ءارتۇرلى اۋرۋحانالارعا جەتكىزىلگەن.