تۇزەلۋگە نيەتتى ادام قولداۋسىز قالمايدى

وبلىس پروكۋراتۋراسى قاجك-ءنىڭ شىم­كەنت قالاسى مەن تۇركىستان وبلىسى بويىن­شا دەپارتامەنتىمەن بىرلەسىپ جانە جەرگىلىكتى اتقارۋشى ور­گانداردىڭ قولداۋىمەن سوت­تالعانداردىڭ جازاسىن وتەۋىنە ءتيىستى جاعدايدى قامتاماسىز ەتۋ, سونداي-اق ولاردىڭ قايتا دۇرىس جولعا ءتۇسۋ تاربيەسىنە جاردەمدەسۋ جونىندە كەشەندى شارالار قابىلداپ كەلەدى. وبلىس اكىمدىگىنىڭ قولداۋىمەن بارلىق قاجەتتى مەديتسينالىق قۇرال-جابدىقتارمەن قامتاماسىز ەتىل­گەن مەديتسينالىق بولىمشەگە تولىق جوندەۋ جۇمىسى جۇر­گىزىلدى. سونداي-اق جۇقپالى اۋرۋلارمەن, ءتىس دارىگەرىنىڭ, تەراپەۆتىڭ كابينەتتەرى, فليۋو­روگرافيا, FGDS, ۋلترادىبىستىق دياگ­نوستيكا, پروتسەدۋرالىق, تاڭۋ بولمەلەرى قىزمەت كورسە­تىپ وتىر. كورسەتىلەتىن مە­ديتسينالىق قىزمەتتەردىڭ ساپاسى مەن تيىمدىلىگىن ارتتىرۋ ماقساتىندا تەلەمەديتسينا بەلگىلەنىپ, ءتيىستى باعدارلامالار جۇرگىزىلدى. سوتتالعانداردى تو­لىق مەدي­تسينالىق قاراپ-تەكسەرۋدەن وتكىزۋ تۇراقتى نەگىز­دە جۇرگىزىلەدى, ال اۋىر اۋرۋ­لار انىقتالعان كەزدە, ادام­دار ديسپانسەرلىك ەسەپكە قويى­لادى, بىلىكتى دارىگەرلەردى تارتا وتىرىپ, ولاردى نەعۇرلىم تە­رەڭدەتىپ زەرتتەپ-قاراپ, ەمدەۋ جۇرگىزىلەدى.

سوتتالعانداردى قايتا قا­لىپتى ومىرگە تاربيەلەۋدە ولاردىڭ ەڭبەكپەن قامتىلۋى ەرەكشە ءرول اتقارادى. قازىرگى تاڭدا مەكەمەدە جۇمىس اتقارىپ جاتقان 4 جەكە كاسىپكەر 320 سوتتالۋشىنى جۇمىسپەن قامتىدى. جۋىردا ىسكە قوسىلعان تىگىن شەبەرحاناسىندا 50 جۇمىس ورنىن اشۋ جوسپارلانىپ وتىر. سوتتالعانداردىڭ بوس ۋاقىتىن دۇرىس ۇيىمداستىرۋ نەگىزىندە وبلىس پروكۋراتۋراسىنىڭ باستاماسىمەن سپورت الاڭىنىڭ قۇرىلىسى باستالىپ, بۇگىندە فۋتبول, ۆولەيبول, باسكەتبول سەكتسيالارى ۇيىمداستىرىلىپ جاتىر. سونداي-اق وبلىس اكىم­دىگىنىڭ قولداۋىمەن 500 كىتاپتان تۇراتىن كىتاپحانا قورى جاڭار­تىلىپ, بەينەلەۋ ونەرى مەن مۋزىكا سەكتسيالارىن اشۋ قولعا الىندى. مەكەمە اۋماعىندا تۇركىستان جوعارى كوپسالالى اگرارلىق №8 كوللەدجى (جىلىجاي شارۋاشىلىعى جانە اگرونوميا, ەلەكتريك, توكار, اعاش ۇستاسى, گاز-ەلەكتر دانەكەرلەۋشى, اۆتومەحانيك) جۇمىس ىستەيدى.

سونىمەن قاتار ءبىزدىڭ باستا­مامىز­بەن وتكەن پروباتسيا­لىق قىزمەتتىڭ پروبلەمالىق ماسەلەلەرى بويىنشا ۆەدوم­ستۆوارالىق كەڭەستە «جول كارتاسى» بەكىتىلدى. وندا بارلىق اۋداننىڭ پروباتسيالىق قىزمەت­تەرىن اۆتوكولىكپەن, كەڭسە تەحنيكاسىمەن قامتاماسىز ەتۋ, كاسىپكەرلىككە ەسەپ بەرەتىن ادامداردى تارتۋ, سوتتالعانداردى الەۋمەتتەندىرۋگە جان-جاقتى كومەك كورسەتۋ سەكىلدى بىرقاتار نەگىزگى مىندەت بەكىتىلدى. مۇددەلى تۇلعالار مەن ولاردىڭ وتباسىلارىنا الەۋمەتتىك-قۇقىقتىق كومەك كورسەتۋ جونىندە ءوزارا ءىس-قيمىل تۋرالى قابىلدانعان مەموراندۋمدى ىسكە اسىرۋ شەڭبەرىندە بارلىق مۇددەلى ورگاننىڭ, وتباسىن قولداۋ ورتالىقتارى, جەرگىلىكتى ءوزىن-ءوزى باسقارۋ ورگاندارى, پروباتسيا, پوليتسيا, مانساپ ورتالىقتارى, جۇمىسپەن قامتۋ جانە الەۋمەتتىك باعدارلامالار بولىمدەرى قىز­مەتكەرلەرىنەن تۇراتىن ءموبيلدى توپ قۇرىلدى. جالپى, ءموبيلدى توپ 9 اۋدان­دا بولىپ, 642 سوتتالعان وتباسىنىڭ تۇرمىس جاعدايىن تەكسەرۋ بارىسىندا ازاماتتاردىڭ وتە قيىن ومىرلىك جاع­دايعا تاپ بولعانى تۋرالى كوپتەگەن دەرەكتى انىقتادى. اتاپ ايتقاندا, ورتتەن كەيىن شارۋاشىلىق قۇرىلىستارىندا ۋاقىتشا تۇرۋ, باسپانانىڭ جانە ءتيىستى ءومىر ءسۇرۋ جاعدايلارىنىڭ بولماۋى, اتاۋلى الەۋمەتتىك كومەك الۋ قاجەتتىلىگى جانە تەگىن مەديتسينالىق كومەكتىڭ كە­پىلدىك بەرىلگەن كولەمى جايلى ماسەلەلەر. قازىرگى ۋاقىتتا ولارعا تۇرعىن ءۇي كەزەگىنە تۇرۋعا كومەكتەسۋ, جالداۋ اقىسى مەن كوم­مۋنالدىق قىزمەتتەردى وتەۋ بويىن­شا بىرلەسكەن شارالار قابىلدانىپ جاتىر. سونىمەن قاتار 152 كومەكشى تۇلعا بيزنەس اشۋعا مەملەكەتتىك قولداۋ شارالارىن الۋعا نيەت ءبىلدىردى, سونىڭ ىشىندە 73-ءى – جەڭىلدەتىلگەن نەسيە, 79-ى – قايتارىمسىز گرانتتار. اتقارىلعان جۇمىستار ناتي­جەسىندە وسى جىلدىڭ 1-توق­سانىنىڭ قورىتىندىسىندا بويىنشا وبلىستا قىلمىستىڭ قاي­تالانۋ كورسەتكىشى 30%-عا نەمەسە 20-دان 14-كە دەيىن تومەندەدى.

كورىپ وتىرعانىمىزداي, سوتتال­عانداردىڭ بارلىعى بىردەي مەملەكەتتىڭ ولاردى دۇرىس جولعا تۇسۋگە, قايتادان قىلمىستىق جولعا تۇسپەۋىنە جاساعان مۇمكىندىكتەرىن تۇسىنە بەرمەيدى. سوت­تالعانداردىڭ بۇل ساناتىنا ءتيىستى كەرى شارالار قولدانىلادى, اتاپ ايتقاندا, قويىلعان شەكتەۋلەردى بىرنەشە رەت بۇزعان جاعدايدا ولاردى جازا مەرزىمىن ودان ءارى وتەۋ ءۇشىن باس بوستاندىعىنان ايىرۋ ورىندارىنا جىبەرۋ ماسەلەسى كوتەرىلەدى. ماسەلەن, بىلتىر جانە وسى جىلدىڭ وتكەن مەرزىمىندە پروكۋراتۋرانىڭ قولداۋىمەن پروباتسيا قىزمەتىنىڭ ۇسىنۋىمەن باس بوستاندىعىنان ايىرۋعا بايلانىستى ەمەس جازالاردى وتەۋ ءتارتىبىن بۇزعانى ءۇشىن 212 ادام تۇزەۋ مەكەمەلەرىنە قايتارىلدى. سونىمەن قاتار پروفيلاكتيكالىق ىق­پال ەتۋ ماقساتىندا سوتتالعانداردىڭ دا, ولاردىڭ وتباسى مۇشەلەرىنىڭ دە قاتى­سۋىمەن اشىق سوت پروتسەستەرى جۇيەلى تۇردە جۇرگىزىلەدى.

بۇل جەردە مەملەكەتتىك ورگان­داردىڭ  عانا ەمەس, سوتتالعانداردىڭ وتباسى مەن قورشاعان ورتاسىنىڭ, جالپى قوعامنىڭ ولارعا اسەر ەتەتىن ماڭىزدى ءرولىن اتاپ وتكىم كەلەدى. سوتتالعانداردىڭ قوعامنان تىس قالعانىنا جول بەرمەي, كەرىسىنشە ءوز مەملەكەتىنىڭ تولىققاندى ازاماتى دەگەن سەزىمگە يە بولۋى وتە ماڭىزدى.

دانيار سىزدىقوۆ,

تۇركىستان وبلىسى پروكۋرورىنىڭ ءبىرىنشى ورىنباسارى