«بولاشاق» باعدارلاماسىن جەتىلدىرۋدى تاپسىردى

جيىن بارىسىندا 189 ازاماتقا «بولاشاق» حالىقارالىق ستيپەنديا­سىن تاعايىنداۋ تۋرالى شەشىم قابىلداندى. بيىل كونكۋرستىق ىرىكتەۋ جاڭا ەرەجەگە ساي كەزەڭ-كەزەڭىمەن ءوتىپ جاتىر. ونىڭ اياسىندا كەشەندى تەستىلەۋ جانە جەكە سۇحبات جۇرگىزىلدى. ستيپەنديا يەگەرلەرىنىڭ 164-ءى – ماگيستراتۋرادا, 10-ى دوكتورانتۋرادا ءبى­لىم الماق. سونداي-اق 15 ازا­مات الەمنىڭ ەڭ ۇزدىك ۋني­ۆ­ەرسيتەتتەرى مەن ورتا­لىق­تارىندا كاسىبي تاعى­لىمدامادان وتەدى.

مامان دايارلاۋدىڭ باسىم باعىتتارىنا ەرەكشە نازار اۋدارىلدى. ياعني ستي­پەنديا يەگەرلەرىنىڭ 73 پايىزى – جاراتىلىستانۋ-تەحنيكالىق, ال 27 پايى­زى قو­عامدىق-گۋمانيتارلىق عى­لىمدار بويىنشا ءبىلىمىن جەتىلدىرەدى.

سونداي-اق وتىرىستا ەلىمىزدىڭ اتوم ەنەرگەتيكاسى سالاسىنا قاجەتتى كادرلار دايارلاۋ ماسەلەسى قارالدى.

جيىن سوڭىندا مەم­لەكەتتىك كەڭەسشى ەرلان قارين «بولاشاق» حالىق­ارالىق ستيپەندياسىن تاعايىنداۋ باعدارلاماسىن ودان ءارى جەتىلدىرۋگە قاتىستى ناقتى تاپسىرما بەردى.